2.Tamuera 15:31 - Te B'aib'ara

³¹ Ao e tuanga Tawita temanna ni kaangai, “E buoka Abetarom Aitobera ni baairea aron tiringakim!” E taku Tawita, “Taiaoka te UEA tai kam'akura ana babaire Aitobera!”

2.Tamuera 15:31 ပူးပေါင်းရင်းမြစ်များ

2.Tamuera 15:12

Ao a roko riki aomata aika a m'aiti ni kaakawara Abetarom ma ni uataboa ana iango ni kam'arua. I nanon taai akanne, e a tia ni karaba ni kanakoa te tia uarongorongo b'a e na tuangiia aomata ni kabane ni kaangai, “Ngkana kam ongo tangin te buu ao kam na bane n takaarua ni kaangai, ‘E a uea ngkai Abetarom i aon Eberon!’ ”

2.Tamuera 16:23

E angaanga ana taeka n reirei Aitobera ni boong akekei ake a kaai n taku Abetarom ao Tawita b'a a roko mairoun te Atua.

2.Tamuera 17:14

Ao a kukurei riki Abetarom ma aomata nako n ana iango Utiai nakon ana iango Aitobera. E riki aei b'a E karaoa ana iango Aitobera te UEA b'a e na aki b'ai b'a e aonga n reke te kangaanga nakon Abetarom.

2.Tamuera 17:23

Ao ngke e nooria Aitobera b'a a aki ira ana iango Abetarom ma taani kairiiri i aon Iteraera, ao e tokara ana aati ao e okirikaaki nakon mwengana i Kiro. E tuangiia ana utu ma ana taani m'akuri te b'ai ae e nang karaoia. Ao i mwiina, e kabaea roroana i bon i rouna, ao a tauna rab'atana n te ruanimate are ana b'ai ana utu.

2.Tamuera 17:5

Ao e taku Abetarom, “Kairamai Utiai are kaain Arekaite. Ti na ongo b'a tera ae e na taekinna.”

2.Tamuera 17:7

Ao e taku Utiai: E rangi n tamaroa ana iango Aitobera n te tai aei.

Iobi 5:12

E aki kakoroi bukin aia babaire aomata aika taan minotiia aomata,

Taian Areru 109:3

Ao a taetae ni kaota ribakiu i rouia akea bukin uniia irou.

Taian Areru 3:1

Te UEA, ai batiraa aiau. A bati akana teirake n eekainako,

Taian Areru 41:9

Ao e eekainako naba te aomata ae bon raou ni koaua ae I onimakinna, ae raoraou n am'am'arake.

Taian Areru 55:10

A teiakina te kaawa taan ribaai ni katobibia ni ngaina ao ni bong; E on nanona n te kiriwe ma m'akuri n iowawa;

Taian Areru 55:12

Ngke tao aiau ae b'ainingareai, ao I kona n taotaona nanou; Ao ngke tao te tia ribaai ae kamoamoaa nako iu, ao I kona ni karabaai mai rouna.

Itaia 19:3

“E na anaaki ninikorian Aikubita ngkana I kamangaoi aia babaaire nako. Ane a na kataia n titirakiniia aia bouannanti b'a tera ae a riai ni karaoia, ao mairouia tamneia ake a tia ni mate, ao mairouia naba taani kaiwa.

Itaia 44:25

I kariki aia kewe burabeti ni kewe ao nanobabaia taani kaiwa. I anaa wanawanan te aomata ao I karikia b'a te b'ai ae akea nanona.

Ioane 13:18

I aki taekiningkami ni kabaneingkami, I ataiia aika I a tia n rineia; ma e na kakoroaki nanon are taekinaki n te B'aib'ara ni kaangai: “Te aomata ae I am'arake ma ngaia, e riki b'a te tia kam'aruaai.”

1.I-Korinto 1:20

E nga ane rabakau? E nga te b'akuaku n taekan te Tua? E nga te tia rabakau ni kauntaeka i aon te aonnaba aei? Tiaki E a tia te Atua ni karaoa te nanobaba b'a rabakaun aonnaba?

Iakobo 3:15

Te aeka n rabakau aei e aki ruo mai eta, ma boni b'ain aon te aba, ae b'ain te rab'ata, ao aia b'ai taimonio.