2.Tamuera 15:30 - Te B'aib'ara

³⁰ Ao e waaki nako Tawita nako karaabeen te Maunga are Oriweta. E bon aki kaunna ao e tang, ao e karabaa atuuna ni kaota rawawatana. Ao a bane n tang ake iria, ao a rabuni naba atuuia.

2.Tamuera 15:30 ပူးပေါင်းရင်းမြစ်များ

2.Tamuera 15:29

Ao e anaa te Atiniberita Tatoka ma Abiata ni kaokia nako Ierutarem ao a tiku ikekei.

2.Tamuera 19:4

E taua baina Tawita i aon matana ao e tang n takaarua ni kaangai, “Natiu, ae Abetarom! Abetarom, natiu, natiu!”

2.Tamuera 19:5

Ao e nako Ioaba nakon te auti are e mena iai Tawita ao e taku nakoina: Ko a tia ni kamamaaia am tautia! A aki ti kamaiuko ma a bon kamaiuia naba natim m'aane ma natim aine ao ai uana naba ma buum nako.

Etita 6:12

Ao e a manga okira te bareti Moretekai, ao Aaman e kawaekoa n okira ana auti, ao e karabai matana ni baina b'a e mamaa.

Taian Areru 42:3

Bon ti kanau rannimatau ni ngaina ao ni bong; Ao a aki toki ni kaangai nako iu au kairiribai, “E nga Atuam?”

Taian Areru 43:5

E aera ngkae e rawaawata nanou? E aera ngkai I aki rau? N na kaantaninga te Atua, ao N na manga neboia, b'a bon au tia kamaiu ao Atuau.

Etekiera 24:17

Ko na tang n te aro ae akea ae e na ongo tangim ao ko na kaotia b'a ko aki rawaawata. Ko na aki kanakoa am m'aita ke ni kanakoi am kauniwae; ko na aki rabun matam ni kaota nanokaawakim, ke ni kang am'arake aika a kaakang taan nanokawaki.”

Etekiera 24:23

Kam na aki buuti ami m'aita ma ami kauniwae. Kam na aki am'arake ke n tanginiwenei, ma kam na kabongnga n ririaki ma ni ngirangira i bukin ami bure nako.

Tekaria 14:4

Ao E na tei i aon te Maunga are Oriweta i mainikun Ierutarem, ao e na bwenauaaki te maunga nakon uaitera, ni karaoa te m'arua ae warebwerebwe ae e biri mai mainiku ni wairio.

Mataio 5:4

A a kab'aia akana nanokawaki, b'a a na kabebeteaki nanoia.

Ruka 19:29

Ngke E a kaaniia Beteb'ake ma Betania, i rarikin te maunga are arana Oriweta, ao E kanakoia uoman ana reirei,

Ruka 19:37

Ngke E a kaan ma Ierutarem, n te tabo are e mena iai te kawai are ruo ri kaaki man te maunga are Oriweta, ao a bane ni kim'areirei ana reirei aika bati ao a kamoamoa te Atua n te b'ana ae korakora i bukini m'akuri ni kabane aika a kamimii ake a tia n nori.

Ruka 19:41

Ngke E a kaan riki Iesu ma te kawa ao E taraia, ao E tangi nanona i bukina b'a E nanoangaia,

Ruka 21:37

Ao E rereirei Iesu n te um'antabu ni katoa bong; ma ngkana e a tairiki ao E oti nako ni mena n te maunga are arana Oriweta.

Ruka 22:39

Ao E oti nako Iesu, ao E nako n te maunga are Oriweta, n aron are E tataneiai iai ni kakaraoia; ao a iria ana reirei.

M'akuri 1:12

A okira ngkanne Ierutarem taan tuatua man te maunga are Oriweta. E kaan te maunga aei ma Ierutarem, b'a tao te iterana te maire raroana mai iai.

I-Rom 12:15

Kam na kim'areirei ma akana kim'areirei; kam na tang ma akana tang.

1.I-Korinto 12:26

Ngkana e maraki b'ain te rab'ata teuana, ao a bane naba ni maraki b'ain nako te rab'ata ma ngaia; ao ngkana e karineaki b'ain te rab'ata teuana, ao a bane b'ain nako te rab'ata ni kim'areirei ma ngaia.