2.Tamuera 15:25 - Te B'aib'ara

²⁵ Ao e taku Tawita: Tatoka, kaoka te Atiniberita nako Ierutarem. Ngkana arona b'a e kukurei te UEA irou, ao e na manga kaokai b'a N na manga konaa n nooria riki ma Ana autinrianna.

2.Tamuera 15:25 ပူးပေါင်းရင်းမြစ်များ

2.Tamuera 6:17

A katuka te Atiniberita i nanon ana autinrianna Tawita are e a tia ni kateia i bukina. Ao e taromauria te UEA teuare Tawita ni karean taiani man ma ni kabuoki i aon te baonikarea,

2.Tamuera 7:2

N te bong teuana, ngke e tabe n taetae Tawita ma Natan are te burabeti, ao e taku Tawita, “Nooria, I maeka n te bareti ae e karaoaki n te tiira, ma e meemena te Atiniberita i nanon te autinrianna.”

Taian Areru 122:1

I kukurei ngke a kaangai nako iu, Ti a nako n te Tembora are ana auti te UEA.

Taian Areru 122:9

I bukin ana auti te UEA ae Atuara, ao N na bon m'akuri i bukimi b'a kam na tekeraoi.

Taian Areru 26:8

Te UEA, I tangira te Tembora are Ko mamaeka iai, Are te tabo are e mena iai mimitongim.

Taian Areru 84:10

E raoiroi riki te bong ae ti te bongina ni mena i nanon am Tembora nakon tengaa te bong ni mena n te tabo teuana. E raoiroi riki irou te tei n tantani i rarikini mataroan te kawai n rin nakon ana auti Atuau, Nakon te maeka ni mwengaia akana buakaka.

Te Otinako 15:13

Ko kakaonimaki nakon Am berita, ao Ko kairiia aomata ake Ko kamaiuia; Ko kaawakiniia ni korakoram ni karokoa rokoia i abam are tabu.

Te Otinako 33:12

E taku Moote nakon te UEA, “I ataia b'a ko a tia n tuangai b'a N na kairiia aomata aikai nakon te aba are Ko berita iai nakoia. Ma Ko bon tuai tuangai b'a antai ae e na riki b'a au kauoman. Ko a tia n taekinna b'a raoraou Ngkoe ao Ko kukurei i rou.

Te Otinako 33:13

Ngkana arona b'a e koaua aei, ao Ko na kaotia nako iu b'a tera am babaaire, ao N na ongotaeka ma n reitanako arou ni kakukureiko. Ao Ko na aki m'aninga ae Ko a tia n rinea te botannaomata aei b'a am b'ai.”

Itaia 38:22

Ao i mwiina, e a kakaaea te kakoaua Etekia b'a e na manga taromauri n ana Tembora te UEA.

Ieremia 25:30

E taku te UEA nako iu: N na bekorara kaanga te baa man au Tembora, ngkana I kamanatuaia au aomata ma aomata nako kaanga ai aron taiani kureebe.

Ieremia 7:4

Kam na aki kaburababaingkami i bon i roumi! E mena au Tembora ikai i Ierutarem, ma tiaki nanona b'a N nang kamanoingkami.