2.Tamuera 15:24 - Te B'aib'ara

²⁴ Ao a iri naba te ibonga are Tatoka ao Abiata n reitaki ma m'aane tabeman ma n te baronga are Rewi ake a uouota te Atiniberita. A katuka te Atiniberita, ao a katikua ikekei ni karokoa otinakoia ni kabaneia Tawita ma taan iria man te kaawa arei.

2.Tamuera 15:24 ပူးပေါင်းရင်းမြစ်များ

2.Tamuera 15:27

Tatoka, bon te tia moti ngkoe ae ko tamaroa i aon b'aai nako, ma ngaia are, ko na oki nakon te kaawa ao ko na aki karekea te kangaanga. Kaira natim te m'aane are Aimaati ma ngkoe. E na oki naba Abiata ma natina te m'aane are Ionatan.

2.Tamuera 15:35

A na mena ikekei Tatoka ma Aitobera ake taian ibonga, ao ko konaa n tuangiia b'aai ni kabane ake ko ongo man te bareti.

2.Tamuera 20:25

Tewa bon te tia koroboki. Taian ibonga bon Tatoka ao Abiata.

2.Tamuera 6:13

Ao a nakonako aomata onoua eutan waeia, ao i mwiina, Tawita e kareana te kaom'aane ao te kao ae e rineaki.

2.Tamuera 8:17

Tatoka are natin Aituba te m'aane, ao Abiata are natin Aimereka te m'aane, boni ngaiia taian ibonga. Ao Teraia bon te tia koroboki.

1.Uea 1:8

Ma a rawa Tatoka are te ibonga ma teuare Benaia are natin Ieoiata, ma Naatan are te burabeti, ma Timei, ma Rei, ao taani kawakina Tawita, n tei i bukina.

1.Uea 2:26

Ao e kanaanako wetean Abiata are te ibonga te uea are Toromon, ao e taku: “Abiata naako okira mwengam i Anaton. Ko riai n tiringaki naba, ma I aki kani karaoia ngkai. Ngke e uea ngkoa tamau are Tawita, ao ko tararuaa ngkoa te Atiniberita, ao ko ri nanon taai aika a kaangaanga n taai aika a bati ngkoe ma tamau.”

1.Uea 2:35

Ao Toromon, e katea Benaia n onea mwiin Ioaba b'a manga te kam'anta n te bootaki n tautia, ao e kateirakea Tatoka b'a te ibonga n onea mwiin Abiata.

1.Rongorongo 15:2

Ao e taku, “Bon ti kanoan Rewi aika a kariaiakaki ni uota te ati, i bukina b'a E a bon tia te UEA n rineia b'a taani karaoa te m'akuri anne ao taani m'akuri i rouna n aki toki.”

Etekiera 48:11

Bon ti ibonga ake ana kariki Tatoka aika e na reke nakoia tib'angaia man te aba ae e tabu aei, i bukina ngke a teimatoa ni kakaonimaki nako iu ao angiia kanoan Rewi ma Iteraera a tia ni moana maiuakinan te bure.

Warekaia Iteraera 4:15

Ngkana a nang m'ananga nako Iteraera ao kanoan Koata bon taani uouoti b'aai aika tabu, ma b'ain nanon te Um'antabunrianna. Ma a na kaman tia n rabuni baikai Aaron ma natina mm'aane, b'a a kaawa ni bo ma baiia kanoan Koata ao ni mate.

Warekaia Iteraera 7:9

Ma e aki anga te b'ai teuana Moote nakoia kanoan Koata i bukina ngke bon tabeia b'a tararuakin b'aai aika tabu, ake a na uouoti i aon angaia.

Iotua 3:3

ma n tuangiia aomata ni kaangai, “Ngkana kam nooria ibonga n uouota Ana Ati ni Berita te UEA ae Atuami, ao kam na baarongai ami b'ai ao kam na rimwiia nako.

Iotua 3:6

Ao e a manga tuangiia ibonga b'a a na rimoaia aomata ma te Ati ni Berita, ao a karaoa are a tuangaki.

Iotua 6:4

Itiman ibonga aika a na uouota kakateuana te buu i aoia, ao a na rimoan te Atiniberita. Ko na nakonako ni katobibia Ieriko itiua te tai n te kaitibong, ngkoe ma am tautia, ao ibonga, a na katang aia buu i nanon tain te nakonako.

Iotua 6:6

E weteia ibonga Iotua ao e taku nakoia, “Anaa te Atiniberita ao a na rimoan te Atiniberita itiman mai i buakomi ma aia buu.”

1.Tamuera 22:20

Ao e biri nako Abiata are temanna mai buakoia natin Aimereka te m'aane, ao e nako n raona Tawita.

1.Tamuera 4:11

Ao a mate Obeni ma Bineati, ao e anaaki te Atiniberita.