2.Tamuera 15:21 - Te B'aib'ara

²¹ Ao e kaeka Itai ni kaangai, “Te Uea ae ko karineaki, I tuea n aran te UEA ae e maiu, b'a N iriko n taabo nako ike ko nako iai, e ngae ngkana tao tera ae e na riki nako iu iai.

2.Tamuera 15:21 ပူးပေါင်းရင်းမြစ်များ

2.Tamuera 15:22

Ao e taku Tawita, “Ao nako mai!” Ma ngaia are, a ira Tawita Itai ma ana m'aane ni kabane ma aia utu.

2.Uea 2:2

Ao e taku Eria nakon Eritai, E tangirai te UEA b'a N na nako Betaera, ma ko riai n tiku ngkoe ikai. Ao e taku Eritai, I tuea n aran te UEA ae E maiu, ao i matam b'a N na bon aki kikitaniko, e aoria ngkana tao tera ae e na riki. Ma ngaia are, e a airi ma Eria nako Betaera.

2.Uea 2:4

Ao e taku Eria, “Eritai, e tangirai ngkai te UEA b'a N na nako Ieriko, ma ko na tiku ngkoe ikai.” Ao e kaeka Eritai ao e taku, “I tuea n aran te UEA ae E maiu, ao i matam b'a N na bon aki kiitaniko, e aoria ngkana tera ae e na riki.” Ma ngaia are, airi ma Eria nako Ieriko.

2.Uea 2:6

E taku Eria nakon Eritai, E tangirai ngkai te UEA b'a N na nakon te Karaanga are te Ioretan, ma ko na tiku ngkoe ikai. Ao e taku Eritai, I tuea n aran te UEA ae E maiu, ao i matam b'a N na bon aki kiitaniko. Ma ngaia are, a manga uaia n reitaanako kawaia.

2.Uea 4:30

Ma e taku neierei nakon Eritai, “I tuea i matan te UEA ae e maiu ao i matam b'a N na bon aki okirikaaki ngkana ko aki irai.” Ma ngaia are, e teirake Eritai ao e iriia nako.

Taeka n Rabakau 17:17

A aki toki ni kaoti aia tangira rao, ao a bungiaki ara koraki i bukin buokan ara kangaanga nako.

Taeka n Rabakau 18:24

Akea aia buobuoki raoraom tabeman, ma e rena riki ma ngkoe te rao ni koaua nakoia aika bon oin am koraki.

M'akuri 11:23

Ngke e roko ao e nora aron ana akoi te Atua nakoia, ao e kim'areirei; ao e kaungai nanoia ni kabane b'a a na nim ma te UEA ma nanoia ni koaua.

M'akuri 21:13

E taku ngkanne B'auro nakoia, “Tera ae kam karaoia ngkai kam katumaua te tang, ma n urua nanou? B'a I a tauraoi nakon tiaki ti te kabaeaki, ma nakon naba te mate i Ierutarem i bukin aran te UEA are Iesu.”

2.I-Korinto 7:3

I aki atonga aei b'a N na kabuakakaingkami iai, b'a I a tia n taku rimoa b'a kam memena i nanora, ngkana tao ti mate ke ti maiu.

1.Tamuera 20:3

Ao e kaeka Tawita ni kaangai, “E ataa tangirakiu iroum tamam, ao e aki tangiria ni kaongoko te b'ai ae e iangoia, b'a ko kaawa n rangi n nanokawaki iai. I tuea nakoim n aran te UEA ae e maiu, b'a I kaan roaroa ma te mate!”

1.Tamuera 25:26

Bon te UEA ae e tautauko b'a ko na aki tiringa am kairiribai. Ao I tuea ngkai n aran te UEA ae E maiu b'a a na aki konaa n tiringko am kairiribai ma aomata ni kabane akana a tangiria ni kan tiringko ao ana katuaaeaki kaanga Nab'ara.