2.Tamuera 15:2 - Te B'aib'ara

² E ututi n te ingabong koraki ao e tataninga i rarikin te kawai are e nako nakon mataroan te kaawa. A bane n tootoua te kawai anne aomata ake iai tangitangiia iroun te uea, ao e butim'aia Abetarom n tatabemaniia nako ao e titirakiniia ni kaangai, “Ko nako mai ia?” Ma ngkana a kaangai aomata, “I nako man barongan meaang,”

2.Tamuera 15:2 ပူးပေါင်းရင်းမြစ်များ

Karikani B'aai 34:20

Ao a nako Amora ma natina te mm'aane nakon te tabo ni kabowi i mataroan te kaawa n taetae nakoia aomatan te kaawa, ao a taku,

2.Tamuera 19:8

Ao e teirake Tawita ao e nako nakon mataroan te kaawa ao e tekateka. Ao ngke a ongo aomata ae e a tekateka ikekei, a bane n roko n nooria. Ao ngke a bane n okira mwengaia tautian Iteraera,

2.Rongorongo 10:7

Ao a taku naakekei, “Ngkana ko tangiriia b'a a na m'akuri i bukim ma n ongotaeka iroum, ao ko na akoia ma ni berita b'a ko na kabebetei aia m'akuri.”

Iobi 24:14

E kautinako n te kaarangaina te tia tiriaomata n tiringa te aomata ae kainano, ao e a manga kimoa n te tairiki

Te Otinako 18:14

Ao ngke e noori b'aai ni kabane Ietero ake e karaoi Moote, ao e taku, “Tera ngkai ae ko karaoia nakoia aomata? E aera ngkai ti ngkoe ni karaoi aia kanganga aomata aika a nikiri i roum. A teibabaa aomata man te ingabong ni kabongnga.

Te Otinako 18:16

Ngkana a roko i rou uoman aomata n taekina bobuakaia, ao I tuangiia Ana babaaire ma Ana tua te Atua.”

Te Otinako 18:26

Ao a riki b'a taani moti i bukiia aomata i aon tua ake a tia ni kamatoaaki, ma ni uoti taiani kangaanga nakon Moote, ma a boni baairei taiani kamangaongao aika a uarereke.

Taeka n Rabakau 4:16

A bon aki mamatu ke ni motirawa ni karokoa a tia ni karaoa te kaairua ke ni kamarakiia tabeman aika akea aia bure.

Taniera 11:21

Ao e boni waaki nako naba te anera ni kab'ara nanon te kaotioti: Uean Tuuria ane te kauoman bon te aomata ae e rangi ni buakaka ae bon akea riaina b'a e na uea, ma e na reke m'aakana n te aro ae e aki kaantaningaki man ana m'akuri ni mamanibuaka.

Mataio 27:1

Ngke e a tib'a ingabong, ao ibonga ake mataniwi ma aia unimm'aane aomata a iangoa aron Iesu b'a a na kamatea.

Te Tua-Kaua 17:8

Ane e na boni kangaanga n tabetai karekean te koaua n taiani bure tabeua n ami kaawa. Ane e na kangaanga iroumi kanakoan ami moti, ngkana iai ae mate n te kabuanib'ai, ke e bon tiringaki. Ke ane kam na aki kona n taekinna b'a e ikoaki ke e uruaki ana b'ai temanna iroun temanna n tiaki te nano ke bon te nano. Ngkana e rangi ni kangaanga iangoan te bure anne, ao kam na uotia nakon te tabo are E a tia n rineia te UEA ae Atuami b'a E na taromauriaki iai. E na kaainaki te bowi aei iroun temanna te tia moti, ao tabeman taian ibonga ake a m'akuri n ana Baonikarea te UEA. A na kab'arab'araa te tua nakoimi ma n anganingkami aia moti i bukin te bure anne. Kam na karaoi b'aai ni kabane akana a tuangingkami, b'a kam kaawa n tiringaki.

Ruuta 4:1

Ao e nako Boaati nakon te tabo ni kabowi ni mataroan te kaawa, ao e tekateka iai. Ao e ri rarikina teuare e taekinna ngkoa b'a te kabanea ni kaan ni koraki nakon Erimereka, ao e taku Boaati nakoina, “Raou, nakomai tekateka ikai.” Ma ngaia are, e roko teuarei, ao e tekateka.