2.Tamuera 14:32 - Te B'aib'ara

³² Ao e kaeka Abetarom ni kaangai, “B'a ko aki kan ongo ngke I kawaekoako. I tangiriko b'a ko na tuanga tamau b'a e aera ngkai e tangirai b'a N na oki mai Keturi. E raoiroi riki ngke I bon tiku ikekei. I tangiria ngkai n noora tamau! E na bon tiringai ngkana arona b'a I bon bure.”

2.Tamuera 14:32 ပူးပေါင်းရင်းမြစ်များ

Karikani B'aai 3:12

Ao e kaeka te mm'aane ni kaangai, “E anganai te uaanikai neiere Ko anganai b'a raou, ao I kanna.”

2.Tamuera 13:37

E biri nako Abetarom nako Keturi, ike e tiku iai i nanon tenua te ririki ma te Uea are Taremai, are natin Ammiura te m'aane.

2.Tamuera 14:31

Ao e nako Ioaba nakon ana auti Abetarom ao e taku, “E aera ngkai a kabuoka au tawaana am taani m'akuri?”

2.Tamuera 3:3

Natina te m'aane are te karimoa bon Ammon, are tinana bon Nei Ainoam man te kaawa are Ietireera. Natin Tawita te m'aane are te kauoman bon Kireaba, are tinana bon Nei Abikaira, are e a tia ni mare ma Naab'ara are kaain Karemera.

Taian Areru 36:2

E kamoamoaa ni karangnga i bon i rouna, n ribaa oin aia bure ke ni bon noraki iai.

Te Otinako 14:12

Ti bon aki tuangko ngkoa i m'aain nakora b'a ae na bon riki te aro aei? Ti bon tuangko b'a ko na boni katikuira n arora b'a ti bon aoriira n riki b'a aia toro kaain Aikubita. E raoiroi riki te toronaki irouia kaain Aikubita nakon te mate ikai i nanon te rereua.”

Te Otinako 16:3

ao a taku nako ia, “Ti bia kaman tiringaki iroun te UEA ngke ti boni mena i Aikubita. Ngke ti mena n te tabo ike ti tekateka ma karara taian irikomaiu ni katoki nanora n aekaki n am'arake nako ake ti tangiri. Ma ko uotiira mai b'a ti na mate ni baki i nanon te rereua aei.”

Te Otinako 17:3

Ma a bon rangi ni bora n taka aomata, ma ngaia are, a boni ngurengure naba nakoni Moote, ao a taku, “E aera ngke ko kaotinakoira mai Aikubita? Ko na tiringiira ma ara ataei ao ara man n te taka?”

Taeka n Rabakau 28:13

Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.

Ieremia 8:12

A na riai ni kamaamaaeaki i bukin aia bure aika a rangi n ribaaki, ma a bon aki roko n te bwerengaki. Ai ngaia are ngke I katuaaea Iuta, a na bane ni b'aka i aon te tano, ni mate kaanga aroia aomata ni kabane.

Mataio 25:44

Ao ane a na kaeka naba ni kangai, “Te Uea, ti noriko n ningai ngke Ko baki, ke ngke Ko taka ni kani moi, ke ngke te iruwa Ngkoe, ke ngke akea kunnikaim, ke ngke Ko aoraki, ke ngke Ko mena i nanon te karabuuti, ao ti aki tabeakiniko?”

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.

1.Tamuera 15:13

Ao e reke Tauro iroun Tamuera, ao e taku Tauro nako ina, “Bon au kantaninga b'a E na kakab'aiako te UEA! I a tia ni karaoa te b'ai are tuangai te UEA.”

1.Tamuera 20:8

I butiiko b'a ko na karaoa aei ibuku, ao kamatoa ara berita are ko karaoia ngkoa nako iu. Ma ngkana arona b'a I bure iai, ao ko na tiringai boni ngkoe! E aera ngkai ko na kairai nakon tamam b'a e na tiringai?”