2.Tamuera 14:3 - Te B'aib'ara

³ Ao e taku Ioaba nakoina, “Karina i aom te kunnikai ni mate ao ko na aki katoka i aon moam te b'ai ni katikiraoi teuana. Naako nakon te uea ao bakaaea aongkoa ko a tia n tang n te tai ae e maan i bukin temanna ae e rangi n tangiraki.

2.Tamuera 14:3 ပူးပေါင်းရင်းမြစ်များ

2.Tamuera 14:19

Ao e taku Tawita, “Bon Ioaba ae e tuangko b'a ko na karaoa aei?” Ao e taku te aine arei, “Te Uea ae ko karineaki, I tuea n aram b'a bon akea ae e konaa ni karabaa te koaua mairoum. Eng, boni ngaia ae e tuangai te b'ai ae N na taekinna,

2.Tamuera 14:4

Ao e m'ananga ainen Tekoa arei nakon Tawita. E bobaraaki ni karinanoa ao e taku, “Te uea ae ko karineaki, taiaoka b'a ko na buokai!”

Etira 8:17

Ao i mwiina, I kanakoia nakon Ito are te tia kairiiri i Katibia, ao I tuangiia b'a a na buubutiia ma ana taani m'akuri n te Tembora b'a a na kanakomaia aomata b'a a na m'akuri n ana Tembora te Atua.

Te Otinako 4:15

Ko konaa n taetae nako ina ma n tuangnga te b'ai ae I taekinna. N na buokingkami ni kauoman n taetae, ao N na kaai n tuangkami te b'ai ae kam na karaoia.

Itaia 51:16

I a tia n tuangngkami te b'ai ae kam na taekinna, ao N na teimatoa ni kamaiungkami i nanoni baiu. I taakina nako taiani karawa ao I kawenei aan nako te aonnaba. Ao ngkai I kaangai, “au Aomata kaain Ierutarem.”

Itaia 59:21

E taku te UEA: “Au Aomata, I berita b'a N na anga Tamneiu ma au taeka. E na riki aei b'a au b'aintangira nakoimi ma ami utu n aki toki. Bon aei au taeka Ngai ae te UEA.”

Ieremia 1:9

E kanakoa baina te UEA, ao e riinga wiiu ao e taku, “I anganiko taeka aika ko na taekin,

Warekaia Iteraera 23:5

Ao E anga te rongorongo te UEA nakoni B'araam ao E a manga kaokia nakon B'araka.

Te Tua-Kaua 18:18

B'a ngkana I kan taetae nakoia aomata, ao N na rinea temanna te burabeti mai buakoia ae ai arom. N na anganna Au rongorongo nakon te burabeti b'a e na manga tuangiia raoi aomata te b'ai are I tuangnga.