2.Tamuera 14:28 - Te B'aib'ara

²⁸ E maeka Abetarom i Ierutarem i nanon uoua te ririki ao e aki nonora tamana.

2.Tamuera 14:28 ပူးပေါင်းရင်းမြစ်များ

Karikani B'aai 33:10

E taku Iakob'a, “Tiaki ngaia anne, I a butiiko. Ngkana ko taku b'a ko kukurei irou, ao ko na butim'aai au b'ai n tangira. Nooran matam i rou kaanga aron nooran matan te Atua, ma ko a tia ni karaoa te m'akuri n iraorao nako iu.

Karikani B'aai 43:3

Ao e taku Iuta nako ina, “E matoa b'anaan te aomata arei b'a ti na bon aki manga roko i matana ngkana ti aki kaira tarira.

2.Tamuera 14:24

ao e taku Tawita nakon Ioaba, “I aki tangiria n taraa matan natiu ae Abetarom. Tuangnga b'a e na aki kaakawarai.” Ma ngaia are, e nako Abetarom nakon oin ana auti n aki manga kaokaoti nakon tamana.

2.Tamuera 14:29

E tangiria Ioaba Abetarom b'a e na taetae ma Tawita i bukina. Ma ngaia are, n te bong teuana, e kanakoa ana rongorongo ni buubutiia Ioaba b'a e na kawaria, ma e rawa Ioaba. E a manga kanakoa riki ana kauoua n rongorongo, ma e bon teimatoa naba Ioaba n rawa.

1.Uea 1:53

Ao e kanakoa temanna nakon te baonikarea b'a e na anaa Atoniia. Ao ngke e a tia ni bobaraaki Atoniia, ao e taku Toromon nakoina, “Atoniia, naako okira mwengam.”

1.Uea 2:36

Ao e kanaanako wetean Timei ao e taku nakoina, “Karaoa te auti teuana i Ierutarem ikai ao maeka iai. Ko na aki manga kikitana ara kaawa aei.

Mataio 18:10

Kam na kawakiningkami b'a kam na aki kakeaa bonganan temanna i buakoia aika uarereke aikai; b'a I taku nako imi, b'a a aki toki aia anera i karawa n rooroko iroun Tamau are i karawa.