2.Tamuera 14:25 - Te B'aib'ara

²⁵ Bon akea i aon Iteraera ae e orea botonim'aanen Abetarom.

2.Tamuera 14:25 ပူးပေါင်းရင်းမြစ်များ

1.Uea 1:6

Ma ngaia are, e a karekei ana kaanibuaka ma ana aoti, ao e kabooia nimangaun te m'aane b'a taani kaawakinna. Ao e aki kan takuia Tawita n ana waaki arei. Ma ngaia are, e aki roko n te taetae nakon Atoniia n te b'ai are e karaoia.

Iobi 2:7

Ao e nako Tatan mai matan te UEA, ao e kariki taiani kaboa i aon rab'atan Iobi ni kabuta.

Taeka n Rabakau 31:30

E konaa naba ni kam'anea te aba te tikiraoi, ao e na manga bon b'aruku te botonaine, ma e bon riai ni karineaki te aine ae e karinea te UEA.

Itaia 1:6

Bon akea taraan te maiu mai taubukin atuum nako taboni waem. A bon aoriia kunikunin rab'atam, m'akorokorona, ao manekana n aki tararuaaki, ke ni kabiraki n te b'a ni katokaki marakina.

Etekiera 23:15

Iai rooia i aon koreaia ao taian m'aita i aon atuuia, ao a kauringnga taian aobitia irouia taani buaka mai aoia aoti i B'aburon.

Taniera 1:4

A na riai n rineaki rorobuaka aika a botonimm'aane, a wanawana, aika a tia n reireiaki raoi, a birim'aaka aia iango, ao a aki aorakibuaka rab'ataia, n te aro b'a a na tau n riki b'a ana taani m'akuri te uea. A na reiakinaki te wareware ma te koroboki ni B'aburon iroun Atibenati.

Mataio 23:27

A na reke kaimi, taani koroboki ma B'aritaio, aika taani m'am'ana-te-aba! B'a ai aron ruua ni mate aika kamainainaki ngkami; a tara n tamaroa mai tinanikuia, ma a on nanoia n riia maate ma baika mka n aekaia nako.

I-Ebeto 5:27

b'a e aonga n riki nakoina b'a te ekaretia ae rangi n tamaroa, ae akea barekana ke tikibuakana, ke te aro riki teuana ae na taraa-buaka iai, b'a e aonga n itiaki ma n akea buakakana.

Te Tua-Kaua 28:35

ao E na oroingkami te UEA n te kaboa mai taubukin atuumi ni karokoa tabon waemi, ao a na aki kona ni mao.

1.Tamuera 16:7

Ma E taku te UEA nako ina, “Tamuera, ko na tai taku b'a ngaia ae na rineaki i bukina ngke a ab'ab'aki ao e botonim'aane. Bon tiaki ngaia ae rineaki. A karaoa aia rinerine aomata man tarakiia, ma I karaoa Au rinerine ma taraan nanoia.”

1.Tamuera 9:2

Bon iai natin Kiti te m'aane ae arana Tauro, ae tamaroa taraana, ao e ab'ab'aki riki nakoia Iteraera ni kabane.