2.Tamuera 14:19 - Te B'aib'ara

¹⁹ Ao e taku Tawita, “Bon Ioaba ae e tuangko b'a ko na karaoa aei?” Ao e taku te aine arei, “Te Uea ae ko karineaki, I tuea n aram b'a bon akea ae e konaa ni karabaa te koaua mairoum. Eng, boni ngaia ae e tuangai te b'ai ae N na taekinna,

2.Tamuera 14:19 ပူးပေါင်းရင်းမြစ်များ

2.Tamuera 11:11

Ao e kaeka Uria ni kaangai, “E mena te Atiniberita ma ana taanga ni buaka Iteraera ma Iuta i nanon taian tawaana, n reitaki ma ara kam'anta are Ioaba ma ana aobitia ao ana taanga ni buaka. Ko bon iangoia b'a I riai ni kawara mwengau n am'arake ke ni mooi ao ni matu ma buu? I tuea i bon irou b'a N na aki karaoa anne!”

2.Tamuera 14:18

Ao e taku Tawita nakon te aine arei, “N nang titirakiniko ngkai te titiraki, ao ko na aki karabaa te koaua!” Ao e taku te aine arei, “Uotiko, te Uea ae ko karineaki.”

2.Tamuera 14:3

Ao e taku Ioaba nakoina, “Karina i aom te kunnikai ni mate ao ko na aki katoka i aon moam te b'ai ni katikiraoi teuana. Naako nakon te uea ao bakaaea aongkoa ko a tia n tang n te tai ae e maan i bukin temanna ae e rangi n tangiraki.

2.Tamuera 18:13

E kakai kakaea rongorongon te b'ai are e riki. N na bon karekeai n te kangaanga ngkana I tiringa Abetarom, b'a ane ko na bukinai iai.”

2.Tamuera 3:27

Ao ngke e roko Abenera i Eberon, ao e a bakaaea te kan maroroo teuare Ioaba ma ngaia ni karaba. Ma ngaia are, e kaira Abenera nakon te ru teuana ae e uarereke ake bon m'akoron naba mataroan te kaawa ao e ewara birotona. E tiringnga Ioaba i bukina ngke e a tia Abenera n tiringa tarina are Ataera.

2.Tamuera 3:29

A bure iai Ioaba ma ana utu. Bon au tataro b'a a na taonaki n te aoraki ae te kaboa ana utu Ioaba n taai nako ao aorakin te kun ake tabeua. A na riki b'a aomata aika a kibiubiu, ao a na mate n te buaka ke te baki.”

2.Tamuera 3:34

Bon akea ae e kabaei baim ke n taui waem n te taurekereke, ko mate b'a konaia taan tiritiri. Ao a manga bane aomata n tang riki.

2.Uea 2:2

Ao e taku Eria nakon Eritai, E tangirai te UEA b'a N na nako Betaera, ma ko riai n tiku ngkoe ikai. Ao e taku Eritai, I tuea n aran te UEA ae E maiu, ao i matam b'a N na bon aki kikitaniko, e aoria ngkana tao tera ae e na riki. Ma ngaia are, e a airi ma Eria nako Betaera.

Te Otinako 4:15

Ko konaa n taetae nako ina ma n tuangnga te b'ai ae I taekinna. N na buokingkami ni kauoman n taetae, ao N na kaai n tuangkami te b'ai ae kam na karaoia.

Taeka n Rabakau 25:2

E neboaki te Atua i bukin arona ni kamimii; a neboaki taan tautaeka i bukin kab'arab'araan taiani kamimii.

Taeka n Rabakau 4:27

Ko na tai karekeko n te kaairua n rairaki nakon te atai ke te maing.

Warekaia Iteraera 20:17

Taiaoka, kariaia b'a ti na toua nanon abam. Ti na bon kararoaira ma ami katawanang, ma ami nne ni kureebe, ao ti na bon aki mooi naba man ami m'anib'a. Ti a bon nakonako naba i nanon te kawai ni karokoa ti kitana raoi abami.”

Ruka 21:15

B'a Ngai ae N na anganingkami te wii ae ribinewe ma te rabakau, b'a a aonga n aki kona aiami n tuuki ao ni kakewei ami taeka.

Te Tua-Kaua 28:14

Ma kam na aki kaaki taekan taian tua ma reirei aikai ke n taromauriia anti riki tabeman.

Te Tua-Kaua 5:32

Kam na riai n ongotaeka raoi nakon ana Tua te UEA.

Iotua 1:7

Ko na korakora ma n ninikoria riki n toui mwiin tuua ni kabane ake e a tia n anganiko Au toro are Moote. Ngkana ko aki kaaki teuana mai i buakon tuua aikai ao e na bon iriiriko te tekeraoi n taabo nako ike ko nako iai.

1.Tamuera 1:26

Ao e taku Nei Anna, “Teuae ko karineaki, Ko kinaai? Boni ngai te aine ae I tei ikai tabeua te ririki n nako ao I bubutiia te UEA

1.Tamuera 17:55

Ao i mwiin nooran Tawita iroun Tauro ngke e nako n un ma Koria, ao e rairaki Tauro nakon ana kam'anta n ana taanga ni buaka, ao e taku, “Abenera, antai te ataeinim'aane arei?” Ao e taku Abenera, “Te uea ae ko karineaki, I bon berita b'a I tuai kinaa.”

1.Tamuera 20:3

Ao e kaeka Tawita ni kaangai, “E ataa tangirakiu iroum tamam, ao e aki tangiria ni kaongoko te b'ai ae e iangoia, b'a ko kaawa n rangi n nanokawaki iai. I tuea nakoim n aran te UEA ae e maiu, b'a I kaan roaroa ma te mate!”

1.Tamuera 25:26

Bon te UEA ae e tautauko b'a ko na aki tiringa am kairiribai. Ao I tuea ngkai n aran te UEA ae E maiu b'a a na aki konaa n tiringko am kairiribai ma aomata ni kabane akana a tangiria ni kan tiringko ao ana katuaaeaki kaanga Nab'ara.