2.Tamuera 14:17 - Te B'aib'ara

¹⁷ I a konaa ni motirawa raoi ngkai b'a ko a tia ni baairea arona. Ko ataa kaokoron te eti ma te kaairua n ai aron Ana anera te Atua, ao au tataro b'a e na meemena iroum te UEA ae Atuam.

2.Tamuera 14:17 ပူးပေါင်းရင်းမြစ်များ

2.Tamuera 14:18

Ao e taku Tawita nakon te aine arei, “N nang titirakiniko ngkai te titiraki, ao ko na aki karabaa te koaua!” Ao e taku te aine arei, “Uotiko, te Uea ae ko karineaki.”

2.Tamuera 14:20

b'a bon ti i bukin kaotan iteran te kangaanga are teuana nakoim. Ko wanawana kaanga aneran te Atua n atai b'aai nako aika a riki n te aba aei.”

2.Tamuera 19:27

e karaoa taekau nakoim n te aro ni kewe, ma ko bon wanawana kaanga aneran te Atua, ma ngaia ae ko na karaoa te b'ai ane ko bon taku b'a e raoiroi.

2.Tamuera 19:28

Ma e ngae n anne, ao ko riai n tia n tiringiia au utu ni kabane ma ngai, ma ko aki b'a ko a manga kam'arakeai n am taibora. Te uea ae ko karineaki, tera riki ae N na buubuti iai?”

1.Uea 3:28

Ao a bane ni mimi Iteraera n aron Toromon ni motikitaeka. Ao a uringa are E a tia te Atua n anganna te wanawana ni motikitaeka n ae eti raoi.

1.Uea 3:9

I butiiko, kawanawanaai ao reireiai b'a N na ataa te kaokoro i marenan te raoiroi ma te buakaka, b'a I aonga n ataa arou n tautaekaniia am Aomata ae e korakora aei.

Iobi 6:30

Ma kam taku b'a I kewe kam taku b'a I aki kona n taekina te eti man te kaairua.

Taeka n Rabakau 27:21

A tuoaki te koora ma te tirewa n te ura ae e m'aaka roiroi, ma ti tuoaki n te neboaki.

Taeka n Rabakau 29:5

Bon akea manenan kamoamoaan temanna b'a kaanga ai aron kawenean te b'ainikam'ane.

Ebera 5:14

Ma te am'arake ae matoatoa bon i bukiia aika ikawai, akana a kataneiaki b'a a aonga ni kona n ata te kaokoro i marenan ae raoiroi ma ae buakaka.

Iotua 1:17

Ti na ongotaeka raoi i roum n ai arora ngkoa ngke ti ongotaeka raoi naba i roun Moote, ao ke E mena i roum te UEA ae te Atua n ai arona naba ngkoa ngke E mena iroun Moote!

1.Tamuera 29:9

Ao e kaeka Akiti ni kaangai, “I kakoauaa, I a tia ni iangoiko b'a kaanga Ana anera te Atua. Ma uea ake tekorakina a taku b'a ko riai n aki iriira ni buaka.”