2.Tamuera 14:14 - Te B'aib'ara

¹⁴ Ti na bane ni mate ma ni mauna nako kaanga te ran ae e kab'aroaki i aon te tano. Ma E aki anai maiura te Atua, ma n onea mwiin anne, E a manga bon karekea te kawai are ti na manga oki iai ngkana ti biri nako.

2.Tamuera 14:14 ပူးပေါင်းရင်းမြစ်များ

2.Tamuera 11:25

Ao e kaeka Tawita ni kaangai, “Tuanga Ioaba ao e na aki kab'araa nanona n te b'ai ae e riki. Bon akea ae e konaa n ataia b'a antai ae e na mate n te buaka. Tuanga b'a e na kakorakoraa ana buaka n eekaanako te kaawa ma ni kab'akai oona nako.

2.Tamuera 14:15

Te Uea ae ko karineaki, I roko ikai b'a N na taekina au kangaanga, b'a I maaku ngkana iai ae e na karaoa aei nako iu. I iangoia b'a N na kawariko b'a ko konaa ni buokai.

1.Uea 11:39

N na katuaaia kanoan Tawita, ma e na aki teimatoa tuaaia.

Iobi 14:14

E kona ni manga maiu te aomata ngkana e a mate? N na tataningai boong aika raoiroi, boong ake a na toki iai kangaanga aikai.

Iobi 30:23

I ataia b'a Ko uotai nakon te mate, nakon te tabo are tokiia aomata ni kabane.

Iobi 34:15

ao a na bane ni mate aika maiu ma ni manga oneaki rab'ataia ni manga okira te tano.

Iobi 34:19

E aki tei n aia itera taan tautaeka, ke n raoniia riki aomata aika kaub'ai nako ia aika kainano, kioina ngke E bon karikia aomata ni kabane.

Taian Areru 22:14

Akea korakorau, e a nako b'a kanga ai aron te ran ae kab'aroaki. Ao a bane riu n tibanako man tomaia; ao nanou ai aron te nenea ae riki n ran.

Taian Areru 22:15

E bane korakorau kanga ai aron aontano ae m'auteretere; ao e nimta ngangarakeu neweu, Ao ko kaweneai n te ruanimate.

Taian Areru 58:7

A bia mauna nako n ai aron te ran ae raanga nako; A bia kamanatuaki n ai aroia uteute aika mena i nanon te kawai.

Taian Areru 77:8

E a toki tangirara i rouna? E na kakoro bukin ana taeka n akoi nakoira ke E na aki?

Taian Areru 79:3

A bane ni mate aomata i aon Ierutarem, Ao akea ae tiku ni maiu ae na tauniia maate.

Taian Areru 90:10

Ti itibwi ana ririki ni maiu te aomata, ke tao wanibwi i bukin te matoa ni mauri; Ma iriaia ti te rawaawata ma te aki rau; a kai toki maiura, ti kai nako.

Taian Areru 90:3

Ko tuanga te aomata b'a e na oki nakon arona are ngkoa; Ko onikia nakoni bubun te tano.

Te Otinako 21:13

Ngkana arona b'a tiaki nanona n tiritiri, ao bon Ngai ae te UEA ae e karika anne, ao kam na riai ni biri nako n rawea maiumi n taabo ni kamanomano ake I a tia ni kaokoroi.

Te Minita 9:5

Ti ataia b'a ti na boni mate, ma ngkana ti mate, ao ti bon aki ataa te b'ai teuana. Bon akea te b'ai ae e raoiroi ae e na riki nakoira, ti nako ao e a m'aninga naba te aba taekara.

B'aeb'aeti 3:31

E bon akoi te UEA, ao E na bon manga nanoangaira.

Etekiera 18:23

I bon aki tangiria n tarataraia aomata aika a buakaka ngkana a mate. I tangiria b'a N na nooria n rairaki man aia bure nako ma ni maiu.

Nakoaia Ibonga 26:40

I mwiina, ao aongkoa kam a ataia ae I a eekinakoingkami ma n uotingkami nakon abaia ami kairiribai i bukin are ngkami ma ami bakatibu kam a tia n rangi ni kamatoaingkami ma ni bure nako Iu.

Warekaia Iteraera 35:15

Ana riki b'a taabo ni kamauri nakoia aomata ake a maeka i aon Iteraera ake a tiritiri n tiaki nanoia. Ao E taku te UEA:

Warekaia Iteraera 35:25

Ngkana ko aki reke ni bure, ao ko na kaawakinaki mairouia ana utu te mate, ao ko na kanakoaki nakon Kaawa ni Kamauri ni karokoa te tai are mate iai te ibonga are rietaata.

Warekaia Iteraera 35:28

Ko na tiku i nanon te Kaawa ni Kamauri ni karokoa maten te ibonga are rietaata, ao ko a tib'a kona ngkanne n okira mwengam.

Mataio 22:16

A kanakoia aia reirei nako Ina, ao raoia aomata tem'angina ake kaain ana botaki Erote. A taku, “Te Tia Reirei, ti ataiko b'a Ko taekina te koaua, ao Ko reirei taekan aron te Atua i bukiia aomata, ao Ko aki mutiakin aroia aomata, b'a Ko aki nanonano n aron taraakin aroia aomata.

M'akuri 10:34

Ao e kaurea wina Betero, ao e taku, I ataia b'a bon te koaua b'a E aki nanonano te Atua.

I-Rom 2:11

B'a e aki nanonano te Atua.

Te Tua-Kaua 10:17

E m'aaka riki te UEA ae Atuami nakoia atua ao uea tabeman, ao E na riai ni maakaki m'aakana are rangi ni korakora. A bane n eti n taai nako Ana babaire ni kabane, ao kam aki kona ni kamaraatona b'a E aonga ni bita Ana iango.

Ebera 9:27

Ao ngkai e katauaki nakoia aomata b'a ti teuana mateia ao i mwina motikan taekaia;

1.Betero 1:17

Ao ngkana kam atonga Teuare motiki taekaia aomata nako b'a Tamami n ami tataro, are Teuare aki nanonano b'a E motika taekan te aomata ni kaeti ma aron te baere e karaoia, ao kam na kabane ami bongi ni maiu i aon te aba aei ni maku.