2.Tamuera 13:4 - Te B'aib'ara

⁴ ao e taku nakon Amnon, “Tera ae e riki? Bon natin te uea ngkoe te m'aane! Ko riai n aki nakonako ma rawaawatan nanom n aron anne ni katoa ingabong.” Ao e taku Amnon, “I a rangi n tangira Nei Tam'aa, are m'anen tariu are Abetarom.”

2.Tamuera 13:4 ပူးပေါင်းရင်းမြစ်များ

2.Tamuera 13:3

Ao iai raoraon Amnon ae arana Ionataba, are natin tarin Tawita are Timea. E buobuoka Amnon ni kakaaea angan rekena i rouna,

2.Tamuera 13:5

Ao e taku Ionataba nakoina, “Ko na wene ni bakaaea aongkoa ko aoraki i aon am kainiwene. Ngkana e roko tamam n nooriko, ao tuangnga b'a e na karokoa Nei Tam'aa, b'a ko na nooria ngkana e kuukana kanam. Ao ane e na reke am tai ngkana e nikira kanam iroum.”

1.Uea 21:5

Ao e rin Nei Ietebera ni kawaria ao e titirakinna ni kaangai, “Tera ae e riki? E aera ngkai ko rawa n am'arake?”

1.Uea 21:7

Ao e taku Nei Ietebera, “Tiaki te uea ngkoe? Teirake man am kainiwene ao am'arake. N na anaa ana onaroka Naabota i bukim.”

Itaia 3:9

Taraan moamoami e oti iai b'a ti te bo ami bure ma kaain Tootom, ao kam aki kataia ni karabaa. Kam a reke n te kaangaanga, ao kam a bon tia ni katokai i aomi ni kabane.

Ieremia 8:12

A na riai ni kamaamaaeaki i bukin aia bure aika a rangi n ribaaki, ma a bon aki roko n te bwerengaki. Ai ngaia are ngke I katuaaea Iuta, a na bane ni b'aka i aon te tano, ni mate kaanga aroia aomata ni kabane.

Nakoaia Ibonga 18:9

Ko na tai iein ma neiene m'anem, ke neiene ai m'anem, e aoria ngke kam aki uaia n ikawairake i nanon te mwenga ae ti teuana.

Nakoaia Ibonga 20:17

Ngkana ko mareaki ma neiene m'anem, ko na katuaaeaki, ao ngkami ni kauoman kam na kamaamaeaki ao ni kairoroaki ni kanakoaki man te kaawa.

Mika 7:3

A rangi n rabakau ni karaoan te m'akuri ae e buakaka. A ukoukora te kamaraato b'aakuaku ma Taani Motikitaeka. A mara atoia taan tautaeka, ao a kangaraoi mooti nakon nanoia ake a kamarai atoia

Ruka 12:32

Tai maaku, ngkami aika karako m'aitimi b'a E kukurei Tamami n anganingkami ueana.