2.Tamuera 13:39 - Te B'aib'ara

³⁹ E bon rangi nanokawaki Tawita i bukin buan natina are Amnon, n te aro are e tangiria ni kam'anangaa ana taanga ni buaka nako ikekei n taua Abetarom.

2.Tamuera 13:39 ပူးပေါင်းရင်းမြစ်များ

Karikani B'aai 24:67

Ao e a kaira Nei Rebeka nakon te auti n rianna are e maeka iai ngkoa tinana are Nei Taara, ao e a riki b'a buuna. E rangi n tangira Nei Rebeka Itaaka, ao e a riki ni m'aninga iai nanokaawakina ni buan tinana.

Karikani B'aai 31:30

I ataia b'a ko a nako b'a ko a rangi ni kan nakon am auti, ma e aera ngkai ko iraei bouan antin te utu?”

Karikani B'aai 37:35

Ao a bane n roko natina mm'aane ma natina aine ni karaua nanona, ma e rawa ni karauaki nanona, ao e taku, “N na nakon ruanimateu, N na mate ma n taunaki.” Ao e a manga reitanako naba tanginiweneina i bukin natina are Ioteb'a.

Karikani B'aai 38:12

I mwiin tabeua te tai, ao e a mate buun Iuta. Ao ngke a bane ana bong n tanginiwenei, ao e a nako ma raoraona are Ira are kaain Aruram nako Timna, ike a koroburaeaki iai ana tiibu.

2.Tamuera 14:1

E ataia Ioaba ae e aki konaa n toki iangoan Abetarom iroun Tawita,

Taian Areru 119:20

E rangi ni kainano nanou n tangira am Tua n taai nako.

Taian Areru 84:2

Ti te kan nako ngai ni mena ikekei! I kan nako ni mena n ana Tembora te UEA. I anene ni kakatonga nakon te Atua ae maiu ma nanou ni kabane.

Te Tua-Kaua 28:32

Ao a na katikitikaki nako natimi m'aane ao natimi aine nakon aaba tabeua ngke kam bon tei n tarataraia ma n aki kona ni buokiia. Ao ngkana kam a manga kakaaeia n iangoa okiia, ao ane kam na manga matakii man aki manga kona n nooriia.

I-Biribi 2:26

E rangi ni kan noringkami ni kabane, ao e aki rau nanona ngke kam ongo b'a e aoraki.