2.Tamuera 13:29 - Te B'aib'ara

²⁹ Ao a tiringa Amnon ana taani m'akuri Abetarom, ngke tuangiia Abetarom. Ao natin te uea ake nikirana, a kawaekoaia ni birinako i aon aia miure ni biri nako mairoun Abetarom.

2.Tamuera 13:29 ပူးပေါင်းရင်းမြစ်များ

Karikani B'aai 36:24

Iai uoman natin Tibeon mm'aane b'a Aia ao Ana. (Aio Ana are e kunea te koburake n ran ae e kabuebue n te rereua ngke e tabe n tararuai ana nanai n aati tamana.)

2.Tamuera 12:10

Ngkai ko aki ongotaeka irou ao ko anaa buun Uria b'a buum, ao e na aki konaa n reke te rau i nanon am utu.

2.Tamuera 13:30

Ao ngke a tabe n okira Ierutarem, iai temanna are e tuanga Tawita ni kaangai, “E a tia Abetarom n tiringiia natim m'aane ni kabane! Bon akea temanna nikirana.”

2.Tamuera 14:6

Bon iai natiu m'aane aika uoman, ma a un i nanon te tawaana ao akea temanna ae e na tautauia ni karokoa e a mate temanna mairouia.

2.Tamuera 18:9

E tabe n toka Abetarom i aon te miure ngke e a ti bae naba atuuna ni m'aangan te aroka ae e korakora. E biri nako te miure ao e tiku Abetarom n tinetine i eta. Ao e rina n rikekei tabeman ana tautia Tawita,

1.Uea 1:33

ao e taetae nakoia ni kaangai: “Kairiia tabeman au aobitia b'a kam na katokaa Toromon i aon au miure ao kairiia nakon Koburaken ranin Kion.

1.Uea 1:38

Ao a nako Tatoka ma Natan ao Benaia ao a kairiia uakoraki ana taani kaawakina Tawita aika a bane aroia. Ao e toka Toromon i aon ana miure Tawita ngke a m'ananga nakon Koburaken ranin Kion.

Taeka n Rabakau 29:12

E a tia ni uruia aroia ana mataniwi te tia tautaeka ae e ongongo n taiani kewe.

Nakoaia Ibonga 19:19

Kamenaia am nanai ni man aika kawakawa aika ti te arona b'a a na boni kariki i rouia, ao tai uniki uaekaki te aroka i nanon te tawaana ae ti teuana ke tao ni b'ain kunnikai aika a karaoaki man moti ni kunnikai aika uaekaki.

Mika 7:3

A rangi n rabakau ni karaoan te m'akuri ae e buakaka. A ukoukora te kamaraato b'aakuaku ma Taani Motikitaeka. A mara atoia taan tautaeka, ao a kangaraoi mooti nakon nanoia ake a kamarai atoia