2.Tamuera 13:28 - Te B'aib'ara

²⁸ Ma e tuangiia ana taan m'akuri b'a a na kaaki mataia i aon Amnon. Ngkana e a reke angina teuana n te wain ma ni kukurei, ao N na anga te kanikina. Ao ngkami, kam a tiringnga naba! Boni Ngai ae I tuangkami b'a kam na karaoia, ma ngaia are, kam na aki maaku. Kam na korakora ao kam na ninikoria.”

2.Tamuera 13:28 ပူးပေါင်းရင်းမြစ်များ

Karikani B'aai 9:21

Ao ngke e a tia ni mooi n te wain Nooa, ao e a koro ni manging, e kanakoa kunnikaina, ao e wene ni bebeekan i nanon te auti n rianna.

2.Tamuera 11:13

ao e kaoa Tawita nakon ana katairiki. Ao e am'arake Uria ma Tawita ao e mooi ni kakoroa, ma e bon aki nako naba nakon mwengana. E bon nako naba ni matu i aon te kie i rarikiia ana taan tei te uea.

2.Tamuera 11:15

E kaangai kanoan te reta arei, “Kaaki Uria i moan te taanga ni buaka are e korakora te buaka iai. Ao i mwiina, ko na kaokiia taani buaka mai rarikina, b'a e aonga n ikoaki ma ni mate.”

2.Tamuera 12:10

Ngkai ko aki ongotaeka irou ao ko anaa buun Uria b'a buum, ao e na aki konaa n reke te rau i nanon am utu.

2.Tamuera 13:27

Ma e kakorakoraa ni butiia, ni karokoa e a kariaia Tawita nakon Amnon ma natina m'aane ni kabane n raona Abetarom. Ao e katauraoa te baka ni kukurei Abetarom ae aia baka ni kukurei uea.

2.Tamuera 14:6

Bon iai natiu m'aane aika uoman, ma a un i nanon te tawaana ao akea temanna ae e na tautauia ni karokoa e a mate temanna mairouia.

1.Uea 20:16

Ao ngke e a tawanou, ao a m'aati te uea are Aaba ma tautian Iteraera nako Taamaria ma ana tautia ake rorobuaka mai i moa.

Etita 1:10

Ao n te kaitiua ni bong, ao e a manging te uea, ao e a kukurei, ma ngaia are e a kawaekoaia ana iunaki ake itiman ake; Meuman, Bitita, Arebona, Bikete, Abaketa, Tetara ao Karekati.

Taian Areru 104:15

Ma te wain i bukini kakukureian nanona, Ma te b'aa b'a e na kabira ubuna iai ni kamaraberabea, Ma te am'arake b'a e aonga ni marurung iai.

Te Otinako 1:18

Ma ngaia are e kananako weteaia taani kabung akekei te uea, ao e taku nako ia, “E aera ngkai kam karaoa aei? e aera ngkai kam kamaiuia ataei aika mm'aane?”

Te Minita 10:19

Ko na kukurei n te am'aam'arake ao te momooi, ao e konaa ni kabooi b'aai ni kabane aika ko tangiri te kamaraato.

Te Minita 9:7

Kakukureingkami ao kamaiu nanomi n am'arake mani mooi! Bon aei te b'ai ae e a kaman baaireia te Atua b'a kam na riai ni karaoia.

Taniera 5:30

Ao e tiringaki Beretiata are ueani B'aburon ni bon te tairiki naba anne;

Naum 1:10

Ngkami aika kam mamanging, kam na kabuokaki n ai aron uteute aika a kateketeke, aika a m'auteretere.

Ruka 21:34

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,

M'akuri 5:29

Ao a kaeka Betero ma taan tuatua ni kaangai, E riai riki iran nanon te Atua nakon iran nanoia aomata.

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”

Tani Motiki-taeka 19:22

Ao a rangi ni kukurei n te tairiki arei, ngke a ti roko naba kaain te kaawa arei ni katobibia aia auti ma n ororea mataroan te auti ma n takaarua ni kaangai, “Kaotinakoia aomata akana a roko n am auti n te tairiki aei b'a ti na bure ma ngaiia.”

Tani Motiki-taeka 19:6

Ao a kaai n tekateka m'aane ake uoman akekei, ao a am'arake ni kanuaia raoi. Ao e taku taman buuna, “Nako mai. Ko na tiku riki nakon te tairiki b'a ti na kukurei.”

Tani Motiki-taeka 19:9

Ao n te kabanea n tai, a teirake mai aon kanaia, ma ngaia are, a nang m'ananga nako ngaia ma buuna ao ana toro. Ma e a manga taku taman buuna, “Nooria, e a kaani bong, kam na bon aki roko n ami tabo ao e a roo naba. Tiiku riki teuana riki te tairiki ni kakukureingkami. Ao kam a kautim'aakaingkami nakon te ingabong n okira mwengami.”

Ruuta 3:7

Ngke e a tia n am'arake ma ni mooi Boaati, ao e kukurei nanona, E nako ni wene i aon te b'ariko ni b'aare. Ao e karaurau n roko Ruuta, ao e ieta rabunan bukin waen Boaati, ao e wene i bukin waena.

1.Tamuera 18:22

Ao e tuangiia ana aobitia Tauro b'a ana maroroo ma Tawita n ti ngaia ma ngaia, ma ngaia are, a kawara Tawita ao a taku nako ina,

1.Tamuera 28:10

Ao i mwiin arei, e karaoa ana taeka ni bau Tauro ao e taku, “N aran te UEA ae E maiu, I berita b'a N na aki manga katuaaeko ngkana ko karaoa anne.”

1.Tamuera 28:13

Ao e taku te uea nakoina, “Tai maaku. Tera ane ko nooria?” Ao e kaeka neierei ni kaangai, “I noora taamnein te aomata ae e waerake man te aonnaba.”