2.Tamuera 12:9 - Te B'aib'ara

⁹ E aera ngkai ko aki ongotaeka irou ao ko karaoa te b'ai ae rangi ni kakamaaku? Ko tiringa Uria are kaain Eta ngke ko anga b'a e na tiringaki irouia kaain Ammon, b'a ko aonga ni konaa n anaa buuna.

2.Tamuera 12:9 ပူးပေါင်းရင်းမြစ်များ

2.Tamuera 11:4

E nooria Tawita, ao e kanakoa temanna b'a e na nooria b'a antai. E oki rikaaki te tia m'akuri arei, ao e tuangnga ni kaangai, “Teuae ko karineaki, bon Nei B'atateb'a. Bon natin Eriam te aine are buun Uria are kaain Eta.” Ao e kanakoa ana rongorongo Tawita nakoina b'a e na nakon te bareti. Ao e roko neirei nakoina, ao e matu ma ngaia. Ao i mwiina, e a okira mwengana.

2.Tamuera 12:10

Ngkai ko aki ongotaeka irou ao ko anaa buun Uria b'a buum, ao e na aki konaa n reke te rau i nanon am utu.

2.Tamuera 16:7

E tatakarua Timei nakon Tawita ni kaangai, “Naako mai ikai, ngkoe ae te tia tiritiri! Bon akea manenam,

1.Uea 21:19

Ko na nako n tuangnga au taeka ae e kaangai, “Aaba ko tiringa Naabota ao ko anaa ana b'ai. Ma ngaia are, n te tabo are e neweneweaki iai raraan Naabota irouia kamea, ao e na manga neweneweaki naba iai raraam.” Ao ngke e reke iroun Eria,

2.Rongorongo 33:6

ao e katea naba te atiibu are taamnein antiia ianena. E kaakaraoa naba taiani m'akuri n tabunea ao ni b'ainikawai,

Taian Areru 51:14

Te Atua, ae te Tia Kamaiuai, kawakinai man te bure ae kakaiaki, Ao N na kim'areirei n tataekina raoiroim.

Taian Areru 51:16

Ko aki tangira te karea; ngkana tao Ko tangiria ao I a anganiko; Ko aki kukurei n te karea ae kabuokaki.

Taian Areru 51:4

I a tia ni bure nakoim n ti Ngkoe, Ao I a tia ni karaoa ae buakaka i matam. Ma ngaia ae Ko eti ni motikan taekau, Ao akea burem ni kabuakakaau n am Moti.

Taian Areru 90:8

Ko aki ti norira ngke ti bure, ma Ko norira naba ngke ti kataia ni karabai ara bure mairoum.

Taeka n Rabakau 14:2

Ngkana kam maiu raoi, kam bon kaotia b'a kam karinea te UEA; ngkana kam b'anganikewe, kam bon kaotia b'a kam bon akea boonganan te Atua.

Itaia 5:24

Kam na urarake kaanga te b'ab'ati ni uteute! Kam a tia ni katinanikua ana reirei te UEA ae e tabu ae Atuan Iteraera ae Moan te M'aaka. Ngaia ae ngkai, a na mka wakaami, ao a na riki ni bubu nako ueemi.

Ieremia 18:10

ma ngkana e a manga moana aki ongotaekana nako iu ma ni karaoa te buakaka, ao ane N na manga bita nanou ao N na aki manga oki ni buokiia.

Amota 2:4

E taku te UEA, “A teimatoa ni kakaraoa te bure kain Iuta ao N na bon katuaaia i bukin aei. A tia ni katinanikua au reirei, man aki kawakin au mwioko. A manga okira aroia aia bakatibu n taromauria antiia.

1.Tamuera 15:19

E aera ngkai kam aki ongotaeka nakon te UEA? E aera ngkai kam kaawakin taiani man ao kam kaunna?”

1.Tamuera 15:23

Kakaitaraan te UEA ma te aki ongotaeka nako Ina bon ti te bo ma buakakan taromauriaia bouananti ke bubutiaia kairakimi. Ko rawa ni karaoa te b'ai ae tuangko te UEA, ma ngaia are, E a tia te UEA ni baaireia b'a ko na aki konaa n uea.”

1.Tamuera 15:26

Ao e taku Tamuera, “I aki! Ko aki ongotaeka i roun te UEA, ao n na aki okirikaaki ma ngkoe. Ngkai E a tia te UEA n taku b'a ko nang aki uea i aon Iteraera.”