2.Tamuera 12:7 - Te B'aib'ara

⁷ Ao e taku Natan nakon Tawita: Boni ngkoe te aomata ae e kaub'ai! Ko na ongora ngkai nakon te b'ai ae E taekinna te UEA ae te Atua i bukim: “I rineiko b'a uean Iteraera. I kaawakiniko mairoun Tauro

2.Tamuera 12:7 ပူးပေါင်းရင်းမြစ်များ

2.Tamuera 14:13

Ao e taku te aine arei: E aera ngkai ko karaoa te m'akuri ae e kaairua nakoia ana aomata te Atua? Ko bon kabuakakako n am taeka are ko a tia n taekinna, ngkai ko tuai man kaoka natim are e biri nako.

2.Tamuera 22:1

Ao e anene Tawita nakon te UEA i mwiin kamaiuana mairouia ana kairiribai, ai moara ra riki Tauro. Aikai taekan ana anene:

2.Tamuera 22:49

Ko kaawakinai man aia tiritiri au kairiribai, ao Ko karaoai b'a N na korakora riki nakoia ni kabane.

2.Tamuera 7:8

Tawita, aei au taeka Ngai ae te UEA ae Moan te M'aaka nakoim. I uotiko n nako mai man te tawaana are ko tararuaia am nanai n tiibu iai, ao I karikiko b'a te tia kairiiri irouia au aomata.

1.Uea 14:7

Ko na tuanga buum te rongorongo aei, ae e roko mai roun te UEA ae Atuan Iteraera. Ko bon ataai Ieroboam b'a boni ngai ae te UEA ae I rineiko mai buakoia aomata b'a ko na tia kairiiri i aon au Aomata ae Iteraera.

1.Uea 18:18

Ao e taku Eria, Tiaki ngai te tia kakiriwe ae moan te buakaka ma boni ngkoe. Boni ngkoe ma am utu aika kam aki ongotaeka nakon ana Tua te UEA ngkai kam taromauria B'aara.

1.Uea 20:40

Ma I rangi n tabeaianga ni karaoi b'aai aika a m'aiti, ao e a ti birinako naba te taenikai arei.” Ao e taku Aaba, “Ko na bon riai n katuaeaki n aron are ko a tia n taekinna.”

1.Uea 20:42

Ao e taku te burabeti, “E bon tuangko ngkoa te UEA b'a ko na tiringa Benatata, ma ko a tia ni kainaomata. Ao ngkai ko nangi manga tiringaki n onea mwiina, ao a na tiringaki naba am aomata n onea mwiia ana aomata.”

Taian Areru 18:1

I tangiriko, te UEA, ae korakorau.

Ieremia 34:6

Ao I m'ananga nakon Tetekia ao I tuanga te b'ai are E taekinna te UEA.

Taniera 4:22

“Te uea ae ko karineaki, boni ngkoe te aroka are e rietaata ma ni korakora. Ko a tia n rikirake n rangi ni korakora n te aro are ko a roota karawa, ao e rooti taabo nako n te aonnaba aei m'aakam.

Mataio 14:14

Ngke E aerake man te booti, ao e noriia aomata aika rangi ni m'aiti; ao E nanoangaiia, ao E kamaiuia aia aoraki.

1.Tamuera 13:13

Ao e taku Tamuera, “Bon te m'aan n nanobaba ae ko karaoia! Ko bon aki ongotaeka iroun te UEA ae Atuam. Ngke arona b'a ko ongotaeka i Rouna, ao e na teimatoa n riki b'a te uea kaain am utu i aoia Iteraera.

1.Tamuera 15:17

Ao e reitanako ana taeka Tamuera ao e taku, “Ko na tai iangoia b'a ko a rangi ni kakannato, b'a E rineiko te UEA b'a ko na uea b'a ko na tararuaia barongan Iteraera.

1.Tamuera 16:13

Ao e atoa te b'a Tamuera i aon atuun Tawita ngke a bon tabe ni mataku tarina nako. Ao n te tai anne, E niniia Tawita Tamnein te UEA ao E moana tikuna i rouna man te tai anne. Ao e oki Tamuera nakon ana auti i Ram'a.

1.Tamuera 18:11

Ao e taku Tauro, “N na ewara Tawita ni kanimm'a ma te o.” Ao e karetekea Tawita uoua te tai, ma e katuai kaina Tawita ake uoua.

1.Tamuera 18:21

ao e taku i nanona, “N na tuanga Tawita b'a e na iein ma ngaia, ao N na kam'anea i rouna b'a e aonga n tiringaki irouia kaain Biritia.” Ao e taku, “N na anganiko riki natiu te aine ae te kauoman b'a ko na iein ma ngaia.”

1.Tamuera 23:14

Ao e tiku ni karabaa Tawita n aaba ake a tabukibuki, n te rereua are i rarikin Tiba. Ao e a m'aiti te tai ae e kuri n reke iai iroun Tauro, ma E aki anga Tawita te UEA nakon Tauro.

1.Tamuera 23:7

Ao e ongo Tauro te rongorongo b'a e nako Keira Tawita, ao e taku, “E a tia te Atua ni kaaki Tawita i aani m'aakau. E kam'anea i bon i rouna n rin te kaawa ae e ooaki ma nonona aika iai mataroana.”