2.Tamuera 12:31 - Te B'aib'ara

³¹ Ao e kam'akuriia kaain Rab'a Tawita b'a a na urua oon te kaawa n taian beke ao taian tanai aika taiani biti, ao e a manga tuangiia b'a a na karaoi taiani buriki. E karaoa naba te aro arei nakon kaawan Ammon ni kabane. E a manga okira Ierutarem Tawita, ao a okiri mwengaia nako Iteraera.

2.Tamuera 12:31 ပူးပေါင်းရင်းမြစ်များ

2.Tamuera 8:2

E kataenikaiia naba kaain Moaba. Ao i mwiina, e kaweneia aia tautia i aon te tano. E tib'aia nakon tenikoraki; uakoraki a na tiringaki, ao tekorakina a na kamaiuaki. A na riai kaain Moaba aikai ni butim'aea Tawita b'a aia tia tautaeka ma ni kab'aka nakoina te taekiti.

1.Rongorongo 20:2

Rimwi riki, e a boni m'ananga Tawita nako Rab'a ao e anaa ana baunuea aia bouananti are Mirikom. Ke “aia uea.” E karaoaki te baunuea arei man te koora ae tenibwi ma aua te kirokuraem rawawatana, ao iai naba atiibu aika a tamaroa i aona. Ao e katokaa te atiibu are e tamaroa Tawita i aon ana baunuea,

1.Rongorongo 20:3

Ao e kairoroia kaain Rab'a b'a a na m'akuri n taian tao, beke aika a karaoaki man te biti, ao taian tanai. Ao e karaoa naba ae ai aron anne nako ia kaain kaawan nako Ammon ake tabeua. Ao i mwiina, e a kaokiia ana taanga ni buaka Iteraera Tawita nako Ierutarem.

Ieremia 43:9

Ieremia, ko na uoti tabeua atiibu aika a buubura nakon mataroan autin te tautaeka i Tabaneti. Ko na taun taian atiibu i aan burikin te kawai n rin, ao ko na kakoaua b'a a matakuakiniko taian Iutaia ngke ko karaoa anne.

Amota 1:13

E taku te UEA: N na katuaaia kaain Ammon i bukin aia bure aika bati, ao N na bon aki bita au iango. A tia n tiringiia aomata aika a m'aiti i bukin aia rawe aba, ao a tiringiia naba aine aika a bikoukou i Kireata.

Amota 1:14

Ngaia are N na kab'aka te ai i aon oon te kaawa man kabuoki nonon nako Raab'a. Ao Kairiribai a na takaakaa n te bong ni buaka, ao e na mangaongao te bo-ni-buaka kanga ai aron te ukeuke-n-anti.

Amota 1:3

E taku te UEA, “A teimatoa ni kakaraoa te bure kain Taamateko ao N na bon katuaaia i bukin aei. A karaoa te m'akuri n iowawa nakoia kaain Kireata.

Ebera 11:37

A karebanaki n atibu, a kaririaki, a korouaki n taao, a kamateaki n te kabaang, a tiotio nako ni kunnikaiia ni kunnikai aika karaoaki mani kuniia tiibu ma kooti. Akea aia b'ai, a kamarakaki, a b'ainikirinaki;

Iotua 10:15

Ao i mwiin anne ao e oki rikaaki Iotua ma ana taanga ni buaka nakon aia kaemb'a i Kirekara.