2.Tamuera 12:3 - Te B'aib'ara

³ ma bon ti temanna ana tiibu ae te ataei te aomata are e maiu ni kainano ae e kabooa ao e kaikawaia. E riki te tiibuteteei arei i rouna ma natina b'a te man ae a tatangiria. E bon kaam'arakea naba n ana raurau ao e kamooia naba n ana m'angko ao e kamatuua ni b'ab'akoia. E riki ana tiibuteteei arei b'a kaanga oin natina.

2.Tamuera 12:3 ပူးပေါင်းရင်းမြစ်များ

2.Tamuera 11:3

Ao iai te aine ae e tebotebo inano n ana katawanang, b'a e kaitiaki ni kaineti ma tuan taromaurian te Atua.

2.Tamuera 12:2

Iai ana tiibu ao a na kao aika a m'aiti te aomata are e kaub'ai arei,

2.Tamuera 12:4

N te bong teuana, e roko ana iruwa te aomata are e kaub'ai, ma e aki tangiria te kaub'ai arei n tiringiia ana tiibu ke ana kao b'a butim'aean ana iruwa. Ma ngaia are, e iraea ana tiibuteteei te aomata are e maiu ni kainano ao e karaoia b'a a na butim'aai.

Mika 7:5

Tai onimakina ane ko itabon auti ma ngaia, ke ni kakoaua raraom. Kakawakina naba wiim man te b'aab'arantiko, e ngae ngkana boni buum.

Te Tua-Kaua 13:6

Ane na manga kaangai temanna nakoimi, Ti nang taromauriia anti riki tabeman. E aoria naba ngkana raoraomi, ke tarimi, ke m'anemi, ke natimi te m'aane, ke natimi te aine, ke buumi ae kam rangi n tangiria, ma kam na bon aki ongo naba i rouna. Bon akea temanna te aomata ae kam na ongo i rouna ae taekin baikai. Ma kam na karebanaa te aomata anne ni ua matena n taian atiibu. Boni ngkami moa aika kam na moan kareia, ao i mwiina, a na kabanea te m'akuri aomata te korakina. Kam na bon aki kaota te nanokawaki. Bon akea te b'ai ae a tia ni karaoia nakoimi ke nakoia ami bakatibu antiia botannaomata tabeua. A na kataia ni katokaa taromaurian te UEA are kamaiungkami man te toronaki i Aikubita aomata akana a tuangkami b'a kam na taromauriia anti riki tabeman. Ma ngaia are, kam na tiringiia aomata akana a tuangngkami b'a kam na taromauriia anti riki tabeman.