2.Tamuera 12:20 - Te B'aib'ara

²⁰ Ao e teirake Tawita mai aon te burooa; e tebotebo, e kaara irana, ao e karina kunnikaina. Ao e m'ananga nakon ana autinrianna te UEA ao e taromauri, ao i mwiina, e a manga okira mwengana. Ao e bubuti kanana, ao e a am'arake ngke e roko kanana irouia ana taan m'akuri.

2.Tamuera 12:20 ပူးပေါင်းရင်းမြစ်များ

2.Tamuera 12:19

Ao e namakinna Tawita b'a a wirikiriki ana taani m'akuri, ao e a ataia ae e a mate te ataei. Ao e a titirakiniia ana taani m'akuri ni kaangai, “E a mate te ataei?” Ao a taku ana taan m'akuri, “Eng, e a mate.”

2.Tamuera 12:21

Ao e taku ana mataniwi nakoina, “Tera ae ko karaoia? Ko aki am'aam'arake ao ko tang i bukin natim te m'aane ngke e bon maiu! Ma ngkai, ngkai e a mate, ko teirake ao ko a am'arake.”

2.Tamuera 14:2

ma ngaia are, e kanakoa temanna b'a e na kaira te aine ae e wanawana are e maeka i Tekoa.

2.Tamuera 19:24

Ao e kaaitibo naba ma Tawita Mebiboteta are tibun Tauro te m'aane. E a tia n aki kakaitibo ma Tawita n te tai ae e maan n te aro are e tuai man tebotebo ke ni koreaki buaina ke ni uaati kunnikaina man te tai are e nako iai Tawita.

2.Tamuera 6:17

A katuka te Atiniberita i nanon ana autinrianna Tawita are e a tia ni kateia i bukina. Ao e taromauria te UEA teuare Tawita ni karean taiani man ma ni kabuoki i aon te baonikarea,

2.Tamuera 7:18

Ao e nako Tawita n rin n te autinrianna are e a tia ni kateia i bukin te Atiniberita. Ao i mwiina, e tekateka ikekei n tataro ni kaangai: Te UEA ae Moan te M'aaka, e bon riai n aki reke nako iu ma au utu te b'ai ae Ko a tia ni karaoia nakoira,

Iobi 1:20

Ao e teirake Iobi, ao e raeuai kunnikaina i bukin rawawatan nanona. E koromara atuuna, ao e b'aka ni boobaraaki i aontano, ao n taromauriia te Atua,

Iobi 2:10

Ao e kaeka Iobi, “Ko taetae ni baba. Ngkana E anganiira baika raraoi te Atua, ao ti kariaia, ao e aera ngkai ti na ngurengure ngkana E anganiira taiani kangaanga?” Bon akea te b'ai ae taekinna Iobi ni kaaitaraa te Atua i bukin kamarakakina aikai ni kabane.

Taian Areru 103:1

N na karaoiroa te UEA ni maiu; ma b'ain nanou ni kabane, karaoiroa arana ae tabu!

Taian Areru 103:8

E nanoanga te UEA ao E tatangira; E iremwe n un ao E on n te Tangira ae Teimatoa.

Taian Areru 39:9

I aki ngongoo; I aki taetae naba teutana, b'a boni ngkoe ae ko karika aei.

Taian Areru 95:6

Nako mai, ti na bobaraaki n taromauria; ti na katorobubua i matan te UEA ae te tia karikira!

Taeka n Rabakau 3:7

Ko na tai iangoia n taai nako b'a ko rangi ni wanawana, ma ko na karinea te UEA ao kararoako man taian buakaka.

Te Minita 9:8

Karina kunnikaimi, koomiia irami, ao katikiraoingkami.

Mataio 6:17

Ma ngkana ko aki mamatam, ao ko na kabira atuum, ao teboki matam;

Ruka 7:46

Ko aki kabira atuu n te b'a, ma neiei e kabira waeu n te b'a.

Ruuta 3:3

Ma ngaia are, tebokiko, ao kabiriko, ao karina kunnikaim ae tamaroa, ao nako nakon te tabo are e kaaki kuuni b'aare iai, ma ko na aki kaotiko nakoina ni karokoa tiana n am'arake ma ni mooi.

1.Tamuera 15:25

Taiaoka, kab'ara au bure ao irai n okirikaaki b'a I aonga ni konaa n taromauriia te UEA.”

1.Tamuera 15:31

Ao e ira rikaaki Tauro Tamuera, ao e taromauriia te UEA Tauro.