2.Tamuera 12:16 - Te B'aib'ara

¹⁶ Ma ngaia are, e aki am'aam'arake Tawita ni kaota nanokaawakina, ao e butiia te Atua b'a e na kamarurunga natina. Ao e aki matu i aon ana kainiwene, ma e wene i aon te burooa ni kangainaa.

2.Tamuera 12:16 ပူးပေါင်းရင်းမြစ်များ

2.Tamuera 12:15

Ao i mwiin arei, e a okira mwengana Natan. Ao e kaoraka natin Tawita te m'aane ae e uarereke te UEA.

2.Tamuera 12:22

Ao e kaeka Tawita ni kaangai, “I aki am'aam'arake ao I tang ngke e boni maiu b'a au kaantaninga b'a e na reke maiuna. I kaangai inanou, Antai ae ataia, ao E na nanoangaai te UEA ni kamaiua natiu.”

2.Tamuera 13:31

Ao e teirake Tawita, ao e raeuaaka ana kunnikai i bukin rawaawatan nanona ao e wene i aon te tano. A reiti teiia ana taani m'akuri, ma a raeuaaki kunnikaiia naba.

1.Uea 21:27

Ao ngke e ongo aei Aaba, ao e raeuaaka ana kunnikai ao e karin i aona taiani baeki aika a mangaingai ni bong ao ni ngaina. E rawawata nanona ao e aki am'arake.

Neemia 1:4

Ao ngke I ongo arei, ao I tekateka ao I tang. Ao I tang i nanon tabeua te bong, ao I aki am'arake ni kaotia ae I rangi n nanokawaki, ao I tataro:

Etita 4:16

Naako botiia I-Iutaia ni kabane i Tutian, ao karaoa te aki mamatam, ao te tataro i buku. Kam na aki kana te b'ai teuana ma ni mooi teutana i nanon tenibong. Ao ti na karaoa naba ae ai aron anne ma au toro aine. Ao i mwiin anne, ao N na nako ni kawara te uea, e ngae ngkana e tabuaki n te tua. Ngkana arona b'a N na mate ni karaoan aei, ao N na boni mate.

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Taian Areru 69:10

Ngke I aki mamatam ni kaota iai kananorinanoau Ao a taetae n un iai aomata nako iu;

Itaia 22:12

Ngke a koro bukin b'aai aikai ni kabane, ao e tuangingkami te UEA ae Moan te M'aaka b'a kam na katu ranin matami ma n tang, ma ni koro marai atuumi, ao n kunnikain kunnikai aika a mangaingai.

Itaia 26:16

Ngkana ko katuaaia ara aomata, ao a rairaki man tataro nakoim, ara UEA.

Taniera 6:18

Ao i mwiina, e a okira ana bareti te uea, ao e aki matu ni kangainaa, ao e aki am'arake, ao akea naba te kamataku nakoina.

Taniera 9:3

Ao I kakorakoraai n tataro nakon te Uea ae te Atua, mani kairoro, man aki mamatam, mani karinii kunnikai aika a mangaingai, ao n tekateka i aon te mannang.

Iona 3:9

Antai ae na ataia ao e a ti bita naba nanona te Atua, ao ma n toki unna, ao ti a aki mate!

M'akuri 9:9

Tenibong ana bong Tauro n aki noraba, ma n aki am'arake, ao n aki moi naba.

Iotua 7:6

Ao a raeuai kunnikaia Iotua ma ana mataniwi, ao a iakiaki i aontano i matan Ana Ati ni Berita te UEA ni kabongnga, ao a tauni atuia n te baareka ni kaota rawawataia.