2.Tamuera 12:13 - Te B'aib'ara

¹³ Ao e taku Tawita, “I a tia ni aki ongotaeka nakon te UEA.”

2.Tamuera 12:13 ပူးပေါင်းရင်းမြစ်များ

Karikani B'aai 39:9

I bon rangi ni kakannato i rouna b'a bon akea te b'ai teuana ae taua mai rou, ma bon ti ngkoe. Ao N na kanga ngkanne ni karaoa te m'akuri ae buakaka, ao ni karaoa te bure nakon te Atua?”

2.Tamuera 24:10

Ao ngke e tia Tawita ni wareki m'aitiia aomata nako, ao e a namakinna b'a e bure iai ao e taku nakon te UEA, “Bon te m'akuri ni baba te b'ai ae I a tia ni karaoia ao bon te m'akuri ae e rangi ni kaairua. Te UEA, taiaoka kab'araa au bure.”

2.Tamuera 24:17

E noora te anera Tawita ngke e tiringiia aomata nako ao e taku nakon te UEA, “Bon ti te bo aomata aikai ma tiibu ao Ngai aia tia kaawakintiibu. I a tia ni bure korakora, ao a bon aki bure. Taiaoka, katuaaeai ma au utu ma Ko na aki katuaaia!”

1.Uea 13:4

Ao e kotea te burabeti Ieroboam ao e takaarua ni kaangai, Taua Ma e bae bain Ieroboam n aki konaa ni kakam'akuri.

1.Uea 21:20

ao e taku Aaba, “Au kairiribai, I a reke raoi iroum ngkai.” Ao e taku Eria: Eng, ko a reke irou. Aaba, ko a tia ni kataia ni karaoi b'aai aika E aki kukurei te UEA iai.

1.Uea 22:8

Ao e taku Aaba, “Ti konaa naba n titirakina te burabeti are Mikaia are natin Imra, ma I rangi n ribaia b'a e aki toki n tataekin taeka aika a aki kakukurei nako iu.” Ao e taku Iotiab'ata, “Ko na aki taetae ni kaanganne.”

2.Uea 1:9

Ma ngaia are, e kawaekoa ni kanakoa te aobitia n te taanga ni buaka ao nimangaun tautia b'a a na kawara Eria. E karaua n tekateka Eria i aon taubukin te maunga n te tai anne. Ao a tam'arake aobitia akekei nako ina ao a taku, ana Aomata te Atua. E tua te uea b'a Ko na ruo ni kawaria ni maroroo ma ngaia.

1.Rongorongo 21:8

Ao e tataro Tawita ao e taku, “Bon am toro ngai. Ao e rangi nanobaba te b'ai ae I a tia ni karaoia ao e bon rangi ni kaairua. Taiaoka, kab'ara au bure.”

2.Rongorongo 16:10

Ao ngke e ongo aei Ata, ao e rangi ni maraki nanona, ao e kaina Anani n te Karabuuti. Ao e bon karaoa naba ae e aki raoiroi nakoia ana aomata tabeman.

2.Rongorongo 25:16

Ma I m'aain banen ana taeka te burabeti, ao e a kamangaoa naba Amatia man taku, “Bon tiaki ngkoe ara tia iango temanna! Ko na aki manga taetae, b'a I kaawa n tiringko.” E toki ana taeka te burabeti. Ao e a manga taku, “Ko karaoa te bure, ao ngkai ko a manga aki kan ongo n au kauring, E bon rangi n teretere raoi b'a e nang katuaaeko te Atua!”

Iobi 33:27

Ane a na taetae i mataia aomata ni kaangai, “I a tia ni bure, I a tia ni karaoa te b'ai ae aki raoiroi, ma e aki katuaaeai te Atua ngke I bon riai ni katuaeaki.

Taian Areru 103:12

Raroani mainiku mai maeao, kanga ai aron raroan ara bure ni kam'awaki mai roura iroun te UEA.

Taian Areru 51:16

Ko aki tangira te karea; ngkana tao Ko tangiria ao I a anganiko; Ko aki kukurei n te karea ae kabuokaki.

Taian Areru 51:4

I a tia ni bure nakoim n ti Ngkoe, Ao I a tia ni karaoa ae buakaka i matam. Ma ngaia ae Ko eti ni motikan taekau, Ao akea burem ni kabuakakaau n am Moti.

Taian Areru 51:6

Ko tangira te nano ae b'ab'aina te eti ma te koaua; Kaonai ni wanawanam.

Te Otinako 9:27

Ao e kanaanako ni weteia Moote ma Aaron te uea ao e taku, “I a tia ni bure nakon te UEA n te tai aei; e bon eti te UEA, ao I bure ma au aomata.

Taeka n Rabakau 25:12

E raoiroi riki te ongora n taeka n reirei nakon taiani b'ai ni katamaroa aika koora.

Taeka n Rabakau 28:13

Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.

Itaia 38:17

A roko taai aika a matoatoa n aron aikai i bukin iangoan arou. Ma e kaawakinai am tangira man te kabuanib'ai i nanon te m'anono ae e nano, ao Ko aki kubari au bure nako.

Itaia 43:24

Kam tuai man uoti taian b'ai ni kaboiarara aika a raraoi i buku ke n anganai raraoin m'akoron ami man ake taian karea. Ma n onea mwiin anne, kam karawaawataai n ami bure aika a rangi ni buakaka.

Itaia 44:22

Kam na okirai? I a tia ni kamaiungkami ao I kaitiaki ami bure nako ngke a matenten kaanga taiani karau.

B'aeb'aeti 3:32

Tao E na bon karawawataira, ma E bon teimatoa ao e korakora naba tangirara i rouna.

Nakoaia Ibonga 20:10

Ngkana iai te m'aane ae e wenenibure ma te aine temanna, a na uaia ni kamateaki ni kauoman.

Nakoaia Ibonga 24:17

Te mate bon tuaan te tia tiriaomata,

Tekaria 3:4

Ma ngaia are, e tuangiia tabeman te anera b'a a na onea ana kunnikai Iotua ake a rangi ni baarekareka akekei. Ao i mwiina, e taku nakon Iotua, “Nanon aei b'a a tia ni kab'araaki am bure. Ngkai N nang karina kunnikaim ana kunnikai te ibonga.”

Mataio 14:10

ao e kanakoa ana aomata temanna b'a e na korea roroan Ioane n te karabuuti.

Ruka 15:21

E taku te nati nako ina, “Tamau, I a tia ni bure nakon Teuare i karawa ao nako im; I aki tau b'a N na atongaki b'a natim.”

Ruka 18:13

Ma te tia anai taekiti, e tei ni kararoa, ao e aki kan tabeki naba matana teutana nako karawa, ma e orea b'ab'ana ao e kangai, “Te Atua nanoangaai b'a te tia bure ngai!”

M'akuri 2:37

Ngke a ongo aei aomata ao a teke nanoia; ma ngaia are a taku nakoni Betero ma taan tuatua ake raona, “Taari, tera ae ti na karaoia?”

Ebera 9:26

B'a ngke aroni Kristo anne, ao e na bon okioki marakina ni moa mani karikan aonnaba. Ma ngkai, ngkai e nangi roko tokin te tai ao E a ti kaoti ti te teuana te tai ao akea riki, i bukina b'a E na kamaunaa te bure n arona n anga Ngaia b'a te karea.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;

1.Tamuera 15:20

Ao e taku Tauro, “Ma kai I bon ongotaeka i Roun te UEA. E kanakoai n te m'akuri teuana, ao I nako. I taua te uea are Akaaka ao I kamaunaa ana botannaomata.

1.Tamuera 15:30

Ao e taku Tauro, “I boni bure, ma taiaoka ma karineai i mataia taani kairiiri n te taanga ni buaka ao i mataia Iteraera. Okirikaaki ma ngai b'a I aonga ni kona n taromauria te UEA ae Atuam.”