2.Tamuera 11:4 - Te B'aib'ara

⁴ E nooria Tawita, ao e kanakoa temanna b'a e na nooria b'a antai. E oki rikaaki te tia m'akuri arei, ao e tuangnga ni kaangai, “Teuae ko karineaki, bon Nei B'atateb'a. Bon natin Eriam te aine are buun Uria are kaain Eta.” Ao e kanakoa ana rongorongo Tawita nakoina b'a e na nakon te bareti. Ao e roko neirei nakoina, ao e matu ma ngaia. Ao i mwiina, e a okira mwengana.

2.Tamuera 11:4 ပူးပေါင်းရင်းမြစ်များ

Karikani B'aai 34:2

Ao ngke e nooria Tekem are natin Amora are te I-Iwaite, are mataniwiin te aono arei, ao e nako n raweia, ao e taua.

Karikani B'aai 39:7

Ao i mwiin tabeua te tai, ao e a tataana Ioteb'a buun ana toka, ao e a butiia b'a e na wene ma ngaia.

2.Tamuera 12:12

Ko kakaraoa te m'akuri ni karabaa, ma N na kaotia nakoia Iteraera ni kabane b'a a na nooria.”

Taian Areru 50:18

Ko riki b'a raoia taan iraa akana ko kaitibo ma ngaiia; Ao ko reitiko ma taani wenenibure.

Taeka n Rabakau 30:20

E taku ana taeka te ainenum'a ae e aki kakaonimaki, “Akea buren te matu ma te m'aane temanna b'a kaanga ai aron kanakin te am'arake.”

Nakoaia Ibonga 15:18

Ngkana a wenenibure te m'aane ao te aine, ao a na tebotebo i mwiina, ma a na tiku ni kam'araa ni karokoa te tairiki.

Nakoaia Ibonga 18:19

Ko na tai iein ma neiene e teiao, b'a e tuai itiaki.

Te Tua-Kaua 5:18

Kam na aki wenenibure.