2.Tamuera 11:15 - Te B'aib'ara

¹⁵ E kaangai kanoan te reta arei, “Kaaki Uria i moan te taanga ni buaka are e korakora te buaka iai. Ao i mwiina, ko na kaokiia taani buaka mai rarikina, b'a e aonga n ikoaki ma ni mate.”

2.Tamuera 11:15 ပူးပေါင်းရင်းမြစ်များ

2.Tamuera 11:16

E a tia Ioaba ni karaua n taraa te kaawa are Rab'a, ao e kaaki n te tabo are e ataia b'a a mena iai aia tautia kairiribai aika a bane aroia.

2.Tamuera 11:17

Ao ngke a otinako m'anen te kaawa arei, a buaka ma n tiringiia tabeman ana tautia Tawita-Uria are kaain Eta bon temanna naba mai buakoia.

2.Tamuera 12:9

E aera ngkai ko aki ongotaeka irou ao ko karaoa te b'ai ae rangi ni kakamaaku? Ko tiringa Uria are kaain Eta ngke ko anga b'a e na tiringaki irouia kaain Ammon, b'a ko aonga ni konaa n anaa buuna.

Taian Areru 51:14

Te Atua, ae te Tia Kamaiuai, kawakinai man te bure ae kakaiaki, Ao N na kim'areirei n tataekina raoiroim.

Taian Areru 51:4

I a tia ni bure nakoim n ti Ngkoe, Ao I a tia ni karaoa ae buakaka i matam. Ma ngaia ae Ko eti ni motikan taekau, Ao akea burem ni kabuakakaau n am Moti.

Te Minita 8:11

Ngkana ti nooriia aomata aika buure ma buakaka b'a a teimatoa ni kaakaraoa te bure ao a aki katuaaeaki, ao e na kairiira b'a ti na kani kaakaraoa naba te bure.

Ieremia 17:9

Kam rangi ni kam'aam'ane ngkami aika kaain Iuta n te aro are kam a manga bon kananobabaingkami i bon iroumi, ao kam aki konaa ni bitaki.

Ieremia 20:13

I anenea te nebonebo nako im te UEA. Ko kamaiuia aika a karawaawataaki mairouia aika a buakaka.

1.Tamuera 18:17

Ao n te tai teuana, ao e tuanga Tawita Tauro ni kaangai, “Ngkana ko ninikoria ni buaka n ana buaka te UEA i buku, ao N na kaieiniko ma natiu te aine are te karimoa are Nei Meraba.” Ma e iango i nanona Tauro ni kaangai, “I aki tangiria n tiringa Tawita, ma ngaia are, N na kanakoa b'a a na tiringnga kaain Biritia i buku.”

1.Tamuera 18:21

ao e taku i nanona, “N na tuanga Tawita b'a e na iein ma ngaia, ao N na kam'anea i rouna b'a e aonga n tiringaki irouia kaain Biritia.” Ao e taku, “N na anganiko riki natiu te aine ae te kauoman b'a ko na iein ma ngaia.”

1.Tamuera 18:25

Ao e kantaningaia Tauro b'a e na bon mate Tawita irouia kaain Biritia, ao e tuanga ana aobitia b'a a na kaangai nakon Tawita, “E aki tangira te koora ma te tirewa te uea. Te b'ai ae ti tangiria b'a e na boo mwiin aia m'akuri ara kairiribai. Ti te b'ai ae ko na karaoia, ko na uota te b'ai ni kakoaua b'a ko a tia n tiringiia tebubua kaain Biritia!”