2.Tamuera 11:1 - Te B'aib'ara

¹ E a kaan banen bongin te aumeaang, bon taai are a naanako iai taian uea ni buaka. E kanakoa ana taanga ni buaka Iteraera ae e b'anin i aan ana kairiiri te kam'anta are Ioaba ma ana aobitia. A kamaunaa ana taanga ni buaka Ammon ao a otab'aninia atuun kaawan te tautaeka are Rab'a, ma e tiku Tawita i Ierutarem.

2.Tamuera 11:1 ပူးပေါင်းရင်းမြစ်များ

2.Tamuera 10:14

Ao ngke a nooria tautian Ammon b'a a biri nako kaain Aram, ao a manga biri nako mairouia ana taanga ni buaka Abitiai ao a nako n okira oin aia kaawa. E katoka te buakaniia kaain Ammon ao e okira Ierutarem.

1.Uea 20:22

Ao i mwiina teutana, ao e okirikaaki te burabeti ni kauringa Aaba ni kaangai, “Ane e na manga buakaniko Benatata ni moan iteran te aumaiaki ae e na roko. Kamatoatoa riki am taanga ni buaka, ao kakoaua raoi b'a ko na karaua ni katea am kawai ae e nakoraoi.”

1.Uea 20:26

Ao ngke a roko te aumaiaki, ao e a bootia ana taanga buaka Benatata, ao a m'aati nakon te kaawa are Abeki, ao a buakania Iteraera.

1.Rongorongo 20:1

Ngke e a manga roko tain te aumeaang are i mwiina, te tai are e nako ni buaka iai taiani uea, ao e m'ananga nako Ioaba ni kaira ana taanga ni kamaunai kaawan Ammon ni kabane. E buakana te kaawa n tautaeka are Rab'a ma ni kiitanna ngke e a urubekebeke. Ma e bon tiku Tawita i Ierutarem.

2.Rongorongo 36:10

Ni bongin te aumeaang n te ririki, ao e katika Ieoiakin uean Aikubita are Nebukaneta ao e uotia nako B'aburon, ni ikotaki ma b'aai riki tabeua aika a kakaawaki aika b'ain te Tembora. Ao e a manga rinea Tetekia Nebukaneta b'a e na uea i aon Iuta.

Taian Areru 60:9

Te Atua, Antai ae e na kairai nakon te kaawa are nonoaki? ke nako Etom?

Te Minita 3:8

Bon iai naba te tai i bukin te tangira ao te riribai, te buaka ao te raoi.

Ieremia 49:2

A na roko boong are N na kanakoa iai te taanga ni buaka b'a e na buakana Rab'a, are ami kaawa n tautaeka. E na tiku n uruaki, ao a na wene ni mannang kaawa aika a uarereke ake i rarikina nako. Kam anai tabeua abaia Iteraera, ma n te bong arei a na anai ami b'ai Iteraera.

Ieremia 49:3

Kam na tang kaain Etibon: E na riki ami kaawa b'a b'ariko n atiibu aika a maerikiriki. Ane kam na rairaki n aki akaaka, ma a na bonotaki kawaimi. Karin kunnikai n aki akaaka i aomi ao taang, ngkami aika kaain Rab'a, i bukina b'a a na anaaki bouananti ake kam taromauri nako abaia ianena, n reitaki ma ibongana ao mataniwiin ana Tembora.

Etekiera 21:20

Kaota raoi te tabo ike a nako iai kawai akanne. Teaina e nako Raba ao teaina e nako Ammon, ao teaina e nako Ierutarem, ana kaawa n tua Iuta are e nonoaki.

Amota 1:14

Ngaia are N na kab'aka te ai i aon oon te kaawa man kabuoki nonon nako Raab'a. Ao Kairiribai a na takaakaa n te bong ni buaka, ao e na mangaongao te bo-ni-buaka kanga ai aron te ukeuke-n-anti.

Tekaria 14:3

E na buakan taian botannaomata aikai te UEA kanga ai aron te tia buaka ae e un i nanon tain te buaka.

Te Tua-Kaua 3:11

Te uea ae Oka bon te kabanea mai buakoia taian Rebaim E karaoaki man te b'a ae roro ae matoatoa, ao bon 13.5 te buuti ab'akina ao 6 te buuti rababana.

1.Tamuera 18:30

Ao a aki toki n roroko kaain Biritia ni buakana Iteraera, ma e totokanikai Tawita ngkana e buakaniia. Ao e riki b'a te aomata ae kakannato i bukina ngke a m'aiti riki ana totokanikai n te buaka i aoia kaain Biritia nakon Tauro ma ana aobitia.