2.Tamuera 10:18 - Te B'aib'ara

¹⁸ Ao a buaka kaain Aram, ma a biri nako mairouia Iteraera. E tiringiia itibubua taani kabuti taiani kanibuaka ao abwi tengaa taani buaka mai aoia aoti. Ao e bon tiringa naba Tiobaka, ma mataniwiin aia taanga ni buaka.

2.Tamuera 10:18 ပူးပေါင်းရင်းမြစ်များ

2.Tamuera 10:17

Ao Tawita e ataa te b'ai are a karaoia kaain Aram, ao e a bootia ana taanga ni buaka Iteraera ni kabane. A ri aon te Karaanga are te Ioretan ao a nako Eram, ike a bootaki iai kaain Aram b'a a na kaaitibo iai ma ngaiia.

2.Tamuera 8:4

E kataenikaiia tengaa itibubua taan buaka mai aoia aoti Tawita ao uabwi te ngaa tautia ake a nakonako. E kataui naba kaa ni buaka, ma e urui ni kabane ma ti tebubua mai buakoia aika e katikui.

1.Uea 11:24

I mwiin konakin ana taanga ni buaka Atatetera iroun Tawita, ao e bobota ana taanga ni buaka ae e uarereke Retom, ao e riki b'a te tia kairiiri.

1.Rongorongo 19:18

ao a birinako kaain Turia mairouia Iteraera. Ao Tawita e tiringiia itiua te ngaa taani buaka i aon aoti ao abwi te ngaa ake bon tautia. E bon tiringa naba Tiobaka, are aia mataniwi n te taanga ni buaka.

Taian Areru 18:38

I tiriboia, ao a aki kona n teirake; A konaaki b'a a mate.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taian Areru 68:2

Aron te bubu n ai n ukaki nako, ao ai bon aroia naba ni kakioaki nako. Aron te nenea n riki n neinei ni kabuebuen te ai are e mena i rarikina, ao ai bon aroia naba akana buakaka ni kabuanib'ai i matan te Atua.

Tani Motiki-taeka 4:2

Ma ngaia are, E kanakoa uean Kanaan are Iabin are mena i Atora b'a e na kataenikaiia Iteraera. E maeka ana kam'anta Iabin are Titera i Aroteta-A-Koiim.

Tani Motiki-taeka 4:22

Ao i mwiin tabeua te tai, ao e a roko B'araka b'a e riri mwiin Titera, ao e otinako Nei Iaera ni kawaria ao e taku, “Are i nanon te auti te aomata ae kam kakaaea, nakomai riin b'a N na kaotia nakoimi.” Ao a rinnako, ao a noora Titera ni wene ni mate ma kain atuuna te beke.

Tani Motiki-taeka 5:26

Ao e anaa beken te autinrianna ao e taua te aama ni baina te angaatai. Ao e raanga kain atuuna n raeuaaka tab'anouna.