2.Tamuera 10:11 - Te B'aib'ara

¹¹ E tuanga tarina Ioaba ni kaangai, “Ngkana I a aki konaa ni kaaitaraia kaain Aram b'a a m'aiti riki nako iu, ko konaa ni manga roko ni buokai. Ao ngkana arona b'a e korakora riki nakoim kaain Ammon, N na manga roko ni buokiko.

2.Tamuera 10:11 ပူးပေါင်းရင်းမြစ်များ

2.Tamuera 10:10

E katea tarina are Abitiai b'a e na kam'anta i bukin te taanga ni buaka ni kabane ao e buakaniia kaain Ammon.

2.Tamuera 10:12

Ko na ninikoria ao kakorakorako ni kaawakiniia ara aomata ao ana kaawa te Atua. Bon au tataro b'a E na karaoi b'aai nako te UEA ae e kukurei iai.”

Neemia 4:20

Ngkana kam ongo tangin te bu, ao kawaekoaingkami ni bootaki i rarikiu. E na buokiira te Atua n te buaka.”

Ruka 22:32

Ma I a tia n tataro i bukim b'a e na aki bua am onimaki; ao ngkana ko a manga rairaki, ao ko na kateimatoaia tarim.”

I-Rom 15:1

E riai iroura ngaira aika a korakora ara onimaki b'a ti na taotaon nanora nakoia aika a mamara aia onimaki, ao ti na aki iri oin nanora ni karaoa are ti tangiria.

I-Karatia 6:2

Kam na i buobuoki n uotami nako, ao kam na toua mwin ana tua Kristo iai.