2.Tamuera 10:10 - Te B'aib'ara

¹⁰ E katea tarina are Abitiai b'a e na kam'anta i bukin te taanga ni buaka ni kabane ao e buakaniia kaain Ammon.

2.Tamuera 10:10 ပူးပေါင်းရင်းမြစ်များ

2.Tamuera 10:11

E tuanga tarina Ioaba ni kaangai, “Ngkana I a aki konaa ni kaaitaraia kaain Aram b'a a m'aiti riki nako iu, ko konaa ni manga roko ni buokai. Ao ngkana arona b'a e korakora riki nakoim kaain Ammon, N na manga roko ni buokiko.

2.Tamuera 10:9

Ao e nooria Ioaba b'a e na riai n buaka mai moa ao mai buki n te tai ae ti teuana, ao e anaia tabeman tautian Iteraera ake a bane aroia b'a a na buakaniia kaain Ammon.

2.Tamuera 18:2

E kanakoa teuana te katenim'akoro man ana taanga ni buaka i aan ana kairiiri Ioaba, ao te katenim'akoro i aan ana kairiri Abitiai are natin Teruia, ao nikiraia i aan ana kairiri Itai mai Kata. E tuangiia tautia ni kaangai, “N na buaka ma ngkami.”

2.Tamuera 23:18

Bon te tia kairiiri irouia Taani Buaka ake Teningaun tarin Ioaba are Abitiai, ao n te buaka teuana e tiringiia tenibubua te m'aane n ana kainiwai. Bon te tia buaka ngaia ae tanoata taekana kaanga Taani Buaka ake Teniman

1.Rongorongo 18:12

Ao e kataenikaia aia taanga ni buaka kaain Etom Abitiai are natin Teruia n te M'arua are Taoro man tiringiia tebwi ma wanua tengaa man aia taanga ni buaka.

1.Rongorongo 19:1

Tabeua te tai i mwiina, ao e mate uean Ammon are Naati, ao e a manga uea natina te m'aane are Anun.