2.Tamuera 1:20 - Te B'aib'ara

²⁰ Kam na aki taekinna i Kata ke ni kabutanakoa rongorongona i nanon kawain te kaawa are Atikeron. Ane e na kukurei antin Biritia te aine ao e na kibakibarake ni kim'areirei.

2.Tamuera 1:20 ပူးပေါင်းရင်းမြစ်များ

Etekiera 16:27

Ma ngaia are, I katuaaeko ni kariaia kaain Biritia aika kairiribai aika a nanonrang b'a a na anai abanueami tabeua. E ngae ngkana a rawawata ni kateimi aika a rangi n ribaaki.

Etekiera 16:57

B'a a bane ngkai aomata n ataa arom ae e buakaka. A ribaiko aaba aika Turia ao Biritia, ao ai uana naba ma kaain rarikim ake tekorakina, ao a karaoi taekam aika a kamamaa.

Mika 1:10

Tai kaongoia ara kairiribai ake i Kaata konaakira, ao tai tanginiwenei i mataia. Kam na kaoti nanokawakimi n takaerere n tang i aon tano ngkami aika aomatan Beta Reabera,

Tani Motiki-taeka 11:34

Ao ngke e a okira mwengana Iebeta i Mitib'a, ao te moan aomata are e otinako ni butim'aia bon natina te aine. E katanga te timbere, ao e b'ab'atere i bukin ana tokanikai tamana, ao bon ti ngaia natina.

Tani Motiki-taeka 14:19

Ao E ninia Tamton Tamnein te Atua. Ao e nako Tamton nakon te kaawa are Atikeron, ao e tiringiia iai 30 te rorobuaka ao e anai aia kunnikai. Ao i mwiina, e a manga angania rorobuaka ake 30 ake i Timna, ao e okira ana utu ma te maraki n nano ae korakora.

1.Tamuera 14:6

Ao a tabe n taetae ni kawai Ionatan ma ana tautia ngke a m'ananga nakon aia kaemb'a kaain Biritia ao a taku, “Bon ti ngaira uoman ni kaaitaraia m'aane aika akea atuaia aikai,” Ao e taku Ionatan, “Ma E kona te UEA ni buokiia tautia aika ti tabeman n tokanikai n te buaka n aron naba ae bon akea kangaangan buokaia te taanga ni buaka ae b'anin i Rouna. E na mena ngkoa ao e na buokiira te UEA n te buaka aei.”

1.Tamuera 17:26

Ao e titiraki Tawita nakon te tautia are e mena i rarikina ao e taku, “Tera ae na reke nakon te m'aane are tiringa kaain Biritia arei ma ni katokia man kakaotinakoaia ara aomata? Tao e taku b'a tera ngaia kaain Biritia ae akea manenana aei? E b'ainingarea Ana taanga ni buaka te Atua ae maiu!”

1.Tamuera 17:36

Teuae ko karineaki, I a tia n tiringi raian ma taiani bea n te aro anne, ao I bon kona riki n tiringa kaain Biritia ae akea manenana aei. E riai n aki b'ainingareia ana taanga ni buaka te Atua ae maiu!

1.Tamuera 18:6

E a tia n tiringa Koria Tawita, ao e a b'ara te buaka, ao a bane n okirikaaki Iteraera nakon mwengaia. Ao ngke a tabe ni m'ananga n oki Iteraera, ao a otinako aine man kaawan nako Iteraera ni butim'aea te uea are Tauro. A anenei anene ni kukurei ao a m'am'aie n tangin taian timbere ma taian aabi.

1.Tamuera 31:4

E taku nakon te rorobuaka are e uouota ana b'ainibuaka, “Ewarai n am kabaang, b'a a aonga n aki tiringai kaain Biritia aika akea atuaia aikai b'a a aonga n aki kakatonga iai ma n tiringai.” Ma e rangi ni maaku te rorobuaka arei ni karaoa arei. Ma ngaia are, e bon anaa ana kabaang Tauro ma ni kab'aka i aona i bon i rouna.

1.Tamuera 6:17

Ao anne aroia kaain Biritia n anga aia b'aintangira i bukin kab'araan aia bure i bukina ngke a anaa te Atiniberita. Ao a kanakoi taiani kinaka ake koora ake nimaua nakon aia kaawa n tatabeua nako ake Atitota, Kata, Atikeron, Kata, ao Ekeron.