2.Tamuera 1:14 - Te B'aib'ara

¹⁴ Ao e taku Tawita nakoina, “Ko kangaa n aki maaku n tiringa te uea ae e rineaki iroun te UEA?

2.Tamuera 1:14 ပူးပေါင်းရင်းမြစ်များ

Taian Areru 105:15

Ao E kaangai, Tai riingia au aomata aika rineaki, aika au burabeti, ao tai tabareia.

B'aeb'aeti 4:20

A uotaanako buroora are mwiokon maiura, are E a tia n rineia te UEA, are teuare ti onimakinna b'a te tia kawakiniira mai irouia ara kairiribai.

Warekaia Iteraera 12:8

E norai, ao n i taramata ma ngai, ao b'aai ni kabane ake I tuangnga a teretere raoi. Ao bon akea riaimi ni ngureakina Au tia m'akuri ae Moote.”

2.Betero 2:10

ai moara riki te koraki ake a iri nanon rab'ataia ni karaoi m'akuri ni kaib'ab'aru aika kam'ara, ma n rawa n tauaki aroia: te koraki n ninikoria aika kainikatonga, aika aki maku n taetaebuakaia akana neboaki.

1.Tamuera 10:1

Ao e anaa te tiaeki ni b'a n oriwa ae uarereke Tamuera ao e kab'aroa i aon atuun Tauro. Ao i mwiina, e kiitina Tauro ao e taku nako ina: E a tia n rineiko te UEA b'a te tia kairiiri ao te tia tautaeka i aoia Ana aomata.

1.Tamuera 12:3

N nang titirakiningkami moa, I a tia n anaa ana kaom'aane te aomata temanna ke ana aati, ke ni imanonoingkami b'a kam na anganai te b'ai teuana? I a tia ni kaikoaka te aomata temanna ke ni karaoa te kamaraato i bukin karaoan te babaire ae aki eti? Kam na kaekaai ngkai b'a e na ongo te UEA ma te uea are E rineia. B'a ngkana arona b'a I a tia ni karaoa teuana mai buakon baikai, ao n na kabooa mwiina.

1.Tamuera 24:11

Taraia tamau, noora rabin am kunnikai aei ae I taua aei! I a tia ni konaa n tiringko, ma I aki b'a I ti korea kunnikaim aei. E na teretere iroum ngkanne b'a bon akea au iango ni kakaaitarako ke ni kan tiringko. Ko kakaaeai b'a ko na tiringai, e ngae ngke bon akea te b'ai ae I a tia ni karaoia ae e buakaka.

1.Tamuera 24:6

ao e taku nakoia ana rorobuaka, “E na bon aki kariaia te UEA b'a N na karaoa ae e aki raoiroi nakon au toka, are bon te uea ae e rineaki! N na bon aki tiringnga, b'a bon au uea ae e rineaki iroun te UEA!”

1.Tamuera 24:7

Ma ngaia are, e anaa nanoia ana rorobuaka Tawita b'a a na aki buakana Tauro. Ao e teirake Tauro, e kiitana te nangananga ni b'aa ao e waakina nako kawaina.

1.Tamuera 26:11

E na bon aki kariaia te UEA b'a N na tiringnga teuae E a tia n rineia te UEA b'a e na uea! Ti na anaa ana kaniwai ao ana tiaeki n ran, ao tia nako naba.”

1.Tamuera 26:9

Ao e reitia Tawita ma n taku riki, “Tai tiringnga! Bon ti te UEA ae e konaa ni katuaaea te uea ae E bon rineia.

1.Tamuera 31:4

E taku nakon te rorobuaka are e uouota ana b'ainibuaka, “Ewarai n am kabaang, b'a a aonga n aki tiringai kaain Biritia aika akea atuaia aikai b'a a aonga n aki kakatonga iai ma n tiringai.” Ma e rangi ni maaku te rorobuaka arei ni karaoa arei. Ma ngaia are, e bon anaa ana kabaang Tauro ma ni kab'aka i aona i bon i rouna.