2.Tamuera 1:12 - Te B'aib'ara

¹² Ao a tang ni kabongnga ao akea te b'ai teuana ae a kanna. Ao a bane n nanokawaki aomata i bukin natin Tauro are Ionatan, ao i bukiia naba ana aomata te UEA ake a mate n te buaka.

2.Tamuera 1:12 ပူးပေါင်းရင်းမြစ်များ

2.Tamuera 3:35

Ao i mwiina, a uota te am'arake teutana nakon Tawita ao a tuangnga b'a e na reke raun nanona ngkana e am'arake teutana. E tuai ni bong, ao e taku Tawita, “I tuea nakon te Atua b'a N na bon aki tenaa naba teutana te kariki ke te b'ai teuana i m'aain bungin taai!”

Taeka n Rabakau 24:17

Ko na tai kukurei ngkana ko noora am kairiribai b'a e bae waena ma ni b'aka.

Ieremia 9:1

Tera ngke a riki matau b'a koburake n ran ni mata, n te aro are I konaa n tang iai ni bong ao ni ngaina i bukiia Au aomata ake a tia n tiringaki.

Amota 6:6

Kam momooi wain n taian boora ao kam kabiri ngkami ni kabira aika a rangi ni boiarara, ma kam aki nanokawaki i bukin uruan Iteraera,

Mataio 5:44

Ma Ngai I taku nako imi, Kam na tangiriia ami kairiribai, ao tataro i bukiia akana b'ainikiriningkami,

2.I-Korinto 11:29

Antai ae mamara, ao I aki mamara? Antai ae kab'akaki nakon te bure, ao e aki maraki nanou iai?

1.Betero 3:8

Kabanean au taeka ngkanne: kam na bane ni b'aina te nano ae ti te arona, ma te namakin ae ti te arona; kam na tangiriia raomi ni Kristian, kam na nanoanga, ao kam na nanorinano.

1.Tamuera 31:13

Ao a anai riin Tauro ao a taun i aan te kai are te Tamaritika i nanon te kaawa, ao a aki mamatam i nanon itiua te bong.

1.Tamuera 31:6

Ao ai anne aron maten Tauro ma natina m'aane ake teniman; a bane ni mate natin Tauro n te bong anne.