2.Rongorongo 9:24 - Te B'aib'ara

²⁴ Ao a uoti taiani b'aintangira aika tirewa ma koora, ao ai uana naba ma taiani kunnikai, b'aai ni buaka, b'ai ni kaboiarara, taian aoti, ao ai taiani miure.

2.Rongorongo 9:24 ပူးပေါင်းရင်းမြစ်များ

1.Uea 10:10

Ao e angan Toromon e kaaniia nimaua te tan te koora, b'aai ni katamaroa, ao b'aai aika boiarara aika a bati nakon ae a tia n anga tem'angina nakon Iteraera, ueanainen Tieba.

1.Uea 10:25

A roroko aomata nako ni kakawaria n te ririki teuana ma teuana ma uotaia aia b'aintangira aika tirewa, koora ao ai uana naba ma kunnikai, b'aai ni buaka, baika a boiarara, taian aoti ke miure.

1.Uea 9:14

Ao e ti kanakoi nimaua te tan te koora nakon Toromon b'a kaboan mwiina.

2.Rongorongo 17:11

Ao kaain Biritia, a uoti taian tirewa ao b'aintangira riki tabeua i bukin karekean te raoi. Tabeman kaain Arabia, a uoti itiua te ngaa itibubua taian tiibu m'aane ao taian kooti naba aika ti te bo m'aitiia.

2.Rongorongo 9:23

I nanon te ririki teuana ma teuana, ao a roko uea tabem'aang n ongora wanawanana are e a tia n anganna te Atua.

2.Rongorongo 9:9

Ao e angan Toromon e kaaniia e raka i aon aua te ngaa te kirokuraem te koora, ao taian tirewa ae e rangi ni m'aiti, ao taiani b'ai ni kaboiarara aika a rangi n raraoi aika a tuai man nooraki.

Iobi 42:11

Ao a bane n roko tarin Iobi ma m'anena ni kawaria n am'arake ni kukurei ma ngaia n ana auti. A kaota reitakiia n te rawawata, ma ni kabebetea i bukin taiani kangaanga ake E karokoi te UEA i aona. Ao Ngaiia n tatabemaniia nako, a anganna tabeua te m'ane, ao te m'am'a te koora.

Taian Areru 68:30

Ko na boaa Aikubita, ae kanga ai aron te man ae aki manana i buakon uteute aika ririeta. Boaiia botannaomata, ake kanga ai aroia kaao-m'aane ma kaao ataei, ni karokoa ae a bane ni karineko ao a anganiko aia tirewa. Kamaenakoia aomata akana tangira te kani buaka!

Taian Areru 72:10

Ane a na anganna b'aai n akoi uean Tibein ma abam'akoro; Ane a na uoti naba nakoina b'aai n tituaraoi uean Tieba ma Teba.

Tani Motiki-taeka 3:15

Ao a bubutiia te UEA Iteraera buokaia, ao te UEA e rinea Euta man te baronga are Beniamin b'a e na kamaiuia. A rinea Euta b'a te tia rikoa te roonrab'ata nakon te uea are Ekeron, ma i m'aain nakon Euta, ao e karaoa te kabaang ae uaitera wiina. Bon te aomata ae maing Euta, ma ngaia are, e kabaea ana kabaang i babatina are te angaatai, ni karaba i aan niiniirana.

1.Tamuera 10:27

Ma a taku tabeman aomata aika nanobaba aika akea maneia, “E na kanga Tauro ni kamaiura mairouia ara kairiribai?” A aki tangiria b'a e na uea Tauro i aoia, ao a aki uoti naba taiani b'aintangira nako ina. Ma e taotaona nanona Tauro.