2.Rongorongo 6:33 - Te B'aib'ara

³³ ao ongora mani mwengam ane i karawa ao kaekai aia tataro. Ao ane a na bane kaain aonnaba n taromauriiko, n ai aron are a karaoia ake bon am aomata aika Iteraera, ao ane a na ataia iai b'a I karaoa te Tembora aei i bukin neboakim.

2.Rongorongo 6:33 ပူးပေါင်းရင်းမြစ်များ

2.Uea 19:19

Ma boni ngkoe ara UEA ao Atuara. Ti bubutiiko b'a ko na kamaiura mairoun uean Aturia. Ao ane a na ataiko iai aomata n taian abanuea ni kabane n te aonnaba ae bon ti ngkoe te Atua.

2.Rongorongo 6:34

N tabetai ane ko na tuangiia am aomata b'a a na buakaniia aia kairiribai. Ao ane a na rairaki am aomata ni kaaitaraa te Tembora aei ae I a tia ni karaoia i bukim n am kaawa ae e rineaki, ao ane a na tataro nakoim.

2.Rongorongo 7:14

Ngkana a tataro ma te nanorinano au aomata man tanrikaaki nako iu mani katoka aia m'akuri aika a bure, ao N na kaekai aia tataro mai karawa. N na kab'arai aia bure mani manga kamaiureireia abaia.

Taian Areru 22:27

A na bane botannaomata nako i aonnaba n ururinga te UEA; A na bane botannaomata n rairaki nakoina n taromauria.

Taian Areru 46:10

E kaangai te Atua, “Katoki ami buaka, Ao kam na atai b'a te Atua Ngai, ae kakannato i buakoia botannaomata nako, ao I rine i aonnaba ni kabutaa.

Taian Areru 67:2

B'a a aonga botannaomata nako n ataa kamaiuan te aba iroum.

Taian Areru 86:9

Ane a na bane n roko ni bobaraaki nako Im botannaomata nako ake Ko a tia ni karikiia; Ane a na kamoamoaa aram.

Itaia 11:10

E na roko te tai are e na anga iai te kanikina nakoia aomatan te botannaomata b'a a na ikotaki. A na iri ana kaetieti, ao a na tanoata taekaia ake bon oin ana botannaomata.

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Ieremia 10:7

Bon aia Uea botannaomata nako Ngkoe. A riai n taromauriiko aomata ni kabane. Bon akea riki te aomata ae e wanawana nakoim.

Warekaia Iteraera 6:27

Ao E taku te UEA, “Ngkana a butiai Aaron ma natina mm'aane i bukin kakab'aiakiia Iteraera, ao N na anganiia Au kakab'aia.”

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

1.Tamuera 17:46

E na buokai te UEA n te bong aei b'a n na tokanikai i aom. N na oroiko ni kab'akako, ao n na korea atuum ni kanakoa, ao n na anga rab'ataia tautian Biritia ake tekorakina nakoia ma mannikiba ma mannikaakang. Ao e na ataaki n te aonnaba b'a bon te Atua ni koaua Atuaia Iteraera.