2.Rongorongo 6:14 - Te B'aib'ara

¹⁴ ao e tataro ni kaangai: Te UEA ae Atuan Iteraera, bon akea temanna te atua i karawa ke i aonnaba ae ai arom! Ko bon aki konaa ni m'aninga te boraraoi are ko karaoia ma am aomata, ao ko kakaonimaki nakoia akana a kakaonimaki n ongotaeka nakon am reirei.

2.Rongorongo 6:14 ပူးပေါင်းရင်းမြစ်များ

Karikani B'aai 17:1

Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

Karikani B'aai 33:20

E katea te baonikarea ikekei, ao e aranna b'a Era-eroe-Iteraera, Atuaia Iteraera.

Karikani B'aai 35:10

Ao E taku te Atua nako ina, “Aram ngkoa Iakob'a, ma man te tai aei ao ko nang aranaki b'a Iteraera.” Ma ngaia are, E aranna te Atua b'a Iteraera.

Karikani B'aai 5:24

E kabanea maiuna n iraorao ma te Atua, ao i mwiina, e a bon bua nako naba, b'a E anaia te Atua.

2.Tamuera 7:22

Te UEA ae Moan te M'aaka, Ko korakora riki nakoia ake tem'angina. Bon akea ae ti te bo ma Ngkoe, bon ti Ngkoe te Atua. A bane ni koaua b'aai ni kabane aika taekam ake ti ongo.

1.Uea 18:36

Ao ngke e a bo tain te angakarea n te tairiki, ao e tataro Eria ni kaangai: Ara UEA, Boni ngkoe Atuan Aberaam, Itaaka, ao Iteraera. Ko na kaotia raoi b'a boni ngkoe Atuan te botannaomata aei, ao ngai ae am toro I boni karaoa aei n am babaaire.

1.Uea 3:6

Ao e kaeka Toromon: E kakaraoa te eti tamau are Tawita, ao ni karaoi naba mwiokoana ake ko tuangnga. Ko kakaonimaki nakoina, ao ko anganna te nati te m'aane are e a uea ngkai.

1.Uea 6:12

Ngkana ko iri nanon au Babaaire, ma ni karaoi baika I tuangko, ao N na kawakina au Berita are I a tia ni karaoia ma tamam are Tawita.

1.Uea 8:23

ao e tataro ni kaangai: Te UEA ae Atuan Iteraera, bon akea atuani karawa ke aonnaba ae ai arom. Ko aki konaa ni m'aninga am Berita are Ko a tia ni karaoia ma am Aomata, ao ko kakaonimaki nakoia ni kabane aika a kakaonimaki nakon am Reirei nako.

1.Rongorongo 29:10

Ao e anenea te anene n nebo nakon te UEA Tawita i mataia aomata ni kabane: I neboiko n taai nako, te UEA! Bon te Atua ngkoe are ko tataromauriaki iroun ara bakatibu are Iakob'a

1.Rongorongo 29:20

Ao e a manga taku Tawita nako ia aomata, “Ami tai ngkanne n neboa te UEA, are te Atua are a tataromauria ami bakatibu!” Ma ngaia are, a bane aomata n neboa te UEA, ao a bobaraaki ni karinea ma aia uea are Tawita.

2.Rongorongo 20:6

ao e tataro: Ngkoe ae te UEA ae te Atua are a taataromauriia ara bakatibu, ao ko tautaekaniia botannaomata ni kabaneia aika i aonnaba mai karawa. Ko bon rangi ni m'aaka n te aro are bon akea ae e konaa ni kataenikaiko.

2.Rongorongo 6:17

I butiiko b'a ko na kaawakina am berita ae ko karaoia ngkoa nakon am toro are Tawita.

Neemia 1:5

Te UEA ae Atuan karawa, Ko kakannato ao Ko maakaki. Ao Ko bon kaakakoroa bukin am berita nakoia aomata ni kabane akana a tangiriko ma n ongotaeka n am babaaire.

Taian Areru 86:8

Te UEA, akea te atua temanna ae ai arom, Ao akea i buakoia ae e a tia ni karaoa are Ko a tia ni karaoia.

Taian Areru 89:28

N na aki toki ni kakoro bukin au taeka n akoi nakoina, Ao e na teimatoa au boraraoi ma ngaia n aki toki.

Taian Areru 89:6

Te UEA, akea n ai arom i karawa; akea i buakoia kaaini karawa ae ti te bo ma Ngkoe.

Taian Areru 89:8

Te UEA ae te Atua are Moan te M'aaka, akea n ai arom ni korakora; te UEA, Ko kakaonimaki ni b'aai nako.

Te Otinako 15:11

“Te UEA, antai ae ai arom i buakoia atua? Antai ae katotongko n arom ae Ko tabu ma ni mimitong? Antai ae kona ni karaoi kakai ma m'akuri aika ab'ab'aki n aron am m'akuri?

Te Otinako 3:15

Ko na tuangiia b'a bon te UEA Ngai ae Atuaia aia bakatibu, Atuan Aberaam, Itaaka, ao Iakob'a, ae I kanakoko nako ia. Bon aei arau n aki toki, Aio arau ae a na aranai iai rooro aika rimwi.

Te Otinako 8:6

Ao e ongotaeka Aaron, ao a rina n roko taian biraoki ni kabuta aon Aikubita.

Ieremia 10:16

Ko karaoi b'aai nako Ngkoe ae Atuaia Iteraera, ao ko rinea Iteraera b'a am b'ai ni koaua. Aram bon te UEA ae Moan te M'aaka.

Ieremia 10:6

Ara UEA, ae E korakora ma ni m'aaka bon ti Ngkoe te Atua.

Taniera 9:4

I tataro nakon te UEA ae Atuau ao I kaoti aia bure au aomata. Ao I kaangai, “Te Atua ae te UEA, ko korakora, ao ti karineko. Ko kakaonimaki nakon am boraraoi ma ni kaota am tangira ae e teimatoa nakoia aika a tangiriko ma ni karaoa nanon am kaetieti.

Ruka 1:50

E nanoangaia aomata ake a karinea man te rorona nakon te rorona.

Ruka 1:6

Ao a b'aina te maiu ae raoiroi Takaaria ma Nei Eritabeta i matan te Atua n aroia n tou mwin ana tua ma ana moti nako te Uea n aki bubure iai.

Ruka 1:72

B'a E na kaota te nanoanga nakoia ara bakatibu; ao b'a E na uringa ana berita are raoiroi,

Te Tua-Kaua 3:24

Ara UEA, e tara n ae Ko a tib'a tabe ni kaota m'aakam ae korakora nako iu. Bon akea atuan karawa ke te aonnaba ae kona ni karaoi b'aai aika ab'ab'aki aika ko karaoi.

Te Tua-Kaua 4:39

Ma ngaia are, kam na uringnga b'a bon ti te Atua ni koaua te UEA, i eta i karawa, ke i nano i aonnaba.

Te Tua-Kaua 7:9

Kam bon ataia b'a bon ti te Atua ni koaua te UEA ae Atuami. Ma ngaia are, kam na tangiria, ao ongotaeka nakon ana Tua, ao ane na kakaonimaki ni karaoa nanon ana Boraraoi ma ngkami ma kanoami i nanon tengaa te roro

1.I-Tetaronike 2:12

Ni kaungaingkami, ma ni kabebeteingkami, ma n tuatuangkami b'a kam na b'aina te maiu ae boraoi ma nanon te Atua, ae weteingkami nako nanon ueana ma neboakina.