2.Rongorongo 36:6 - Te B'aib'ara

⁶ I nanon ana tai n tautaeka Ieoiakim, ao e buakana Iuta uean B'aburon are Nebukaneta. E katika Ieoiakim ao e kabaea n taian tiein, ao e uotia nakon ana kaawa n tautaeka are ae e buubura are B'aburon.

2.Rongorongo 36:6 ပူးပေါင်းရင်းမြစ်များ

2.Rongorongo 33:11

Ma ngaia are, e kanakoa ana taanga ni buaka Aturia ni buakana Iuta ma n taua Manate. A kanim'a te matau i b'airina, ao a kabaea n taian taurekereke, ao a uotia nako B'aburon.

Ieremia 22:19

Ko na taunaki n ai aron taunakin te aati; e na aeaeaki rab'atam nako tinanikun mataroan te kaawa ma n tewenakoaki i buakon te baareka. Bon aio au taeka Ngai ae te UEA.

Ieremia 25:1

I nanon ana kaaua n ririki n uea Ieoiakim are natin Iotia te mm'aane n uea i aon Iuta, ao e reke irou te rongorongo mai roun te UEA ae taekaia kaain Iuta.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Etekiera 19:4

Ao ngke e ongo te botannaomata taekana, ao a kam'anea i nanon m'anono, ao a kamanenai taian matau ni uaakinna nako Aikubita.