2.Rongorongo 36:22 - Te B'aib'ara

²² N ana moan ririki Tairati ni uea i aon Botia, ao te UEA e karaoa Tairati b'a e na kanakoa ana rongorongo nakon m'akoron abanueana ni kabane. E riki aei n aron are e a tia ni berita iai Ieremia are ana burabeti te UEA.

2.Rongorongo 36:22 ပူးပေါင်းရင်းမြစ်များ

1.Uea 11:14

Bon kaain te utu ni uea mai Etom te aomata are Atata, ao e karikaki b'a ana kairiribai Toromon iroun te UEA.

1.Uea 11:23

Ao aei aron te UEA ni karika Retom are natin Eriata b'a ana kairiribai Toromon. E a tia ni biri nako Retom mai iroun ana toka, are Atatetera are uean Toba.

1.Rongorongo 5:26

Ma ngaia are, E kanakoa uean Aturia are Tikeraka Birenetera te Atua b'a e na buakaniia barongan Iteraera aikai. E kairiia nako te uea b'a taenikai nako Aturia, ao man n te tai anne are e a kairoroia iai b'a a na maeka i Aba, Abora, Ara, ao i rarikin te Karaanga are Kotan.

2.Rongorongo 21:16

Rimwi riki, ao te UEA e karaoia kaain Biritia ma kaain Arabia ake a maeka i rarikiia kaain Itiobia b'a a na un iroun Ioram.

2.Rongorongo 24:9

Ao i mwiina, e kanakoa ana reta ni kabuta aon Iuta ma Ierutarem, ni buubutiia aomata ni kabane b'a a na uoti aia ronrab'ata nakon te Tembora, n aron are e tangiria naba ngkoa Moote b'a a na karaoia aia bakatibu.

2.Rongorongo 30:5

A bane ni kaoaki aomata nako ni moa mai Beera Teba i maiaki nako Taan i meang. Ai tib'a aio te kabanea ni korakora iai m'aitiia aomata aika a bukamarua te Toa are te Riao, n aron are e tauaki mwiina n te rongorongo ae e eti.

2.Rongorongo 36:21

E a riki Iuta b'a te rereua ae akea kaaina, ao e tiku n arona anne ni karokoa itibwi te ririki, ni kakororaoi ririki ni kabane ake e aki kariaiakaki b'a e na motirawa iai. A riki baikai n aron are e tia n taekinna

2.Rongorongo 36:23

E kaangai te rongorongo arei: Boni Ngai Tairati ae uean Botia. E a tia te UEA ae Atuani karawa ni karikai b'a n na tautaeka i aoia botannaomata ni kabane n te aonnaba. E a tia n rineai b'a n na karaoa te Tembora i bukina i Ierutarem, i Iuta. E na tarataraia ana aomata ni kabane te UEA ae te Atua akana a tangiria n oki nako Iuta.

Etira 1:5

A bane n namakinna aomata b'a e tangiriia te UEA ae te Atua b'a a na buoka manga karaoan ana Tembora, ao a bane ni iangoia b'a a na nako Ierutarem. Mai i buakoia ake a tangiria n oki ni buoka manga katean te Tembora, ao ni manga katea Ierutarem bon taian ibonga, kanoan Rewi, ao taani kairiiri man te baronga are Iuta ao Beniamin.

Itaia 44:28

Boni Ngai naba are I kaangai, “E na kairiia au aomata Tairati ao e na ongotaeka nakon au babaaire. E na manga karaoaki Ierutarem ao te Tembora.”

Itaia 45:13

I a tia ni karaoa te b'ai ae e eti ngke I katokaa Tairati i aon te m'aaka, ao N na kanakoraoi kawai ni bane ake e na m'ananga iai. Bon te UEA Ngai ae Moan te M'aaka! E na manga katea au kaawa are e buubura Tairati ao e na kainaomataia au aomata n akea te b'ai teuana ae e kabooaki. Bon aei au taeka Ngai ae te UEA.

Ieremia 25:12

Ngkana e a roko n tokina te tai anne, N na manga katuaaea te uea ma ana aomata i bukin taiani kairua ni kabane ake a tia ni karaoi, ao N na manga onika te aba nakon te aba ae akea manenana n aki toki.

Ieremia 25:14

N na katuaaia kaain B'aburon i bukin taian kairua ake a tia ni karaoi. E na tauaki B'aburon irouia uea aika a kakannato ma botannaomata ake tabeua ma ni kairoroia b'a a na riki b'a aia toro.

Ieremia 29:10

I mwiin rikin B'aburon b'a te kabanea ni korakora ni botannaomata i nanon itibwi te ririki, ao N na manga akoingkami ma ni kaokingkami nako Ierutarem.

Taniera 10:1

Te kaotioti nakon Taniera i rarikin te karaanga are Taikiriti i nanon ana katenua n ririki ni uea Tairati i aon Bootia, ao e roko te rongorongo iroun Taniera, are arana naba Beretetiata. E koaua te rongorongo ma boni moan te kangaanga ataakin nanona. Ao e kab'araaki nakoina n te kaotioti.

Taniera 6:28

Ao e kakab'aiaki Taniera i nanon ana tai ni uea Taraiati, ao Tairati are kaain Bootia.

Akai 1:14

Ma ngaia are, E karaoia aomata nako te Atua ae Moan te M'aaka b'a a na rangi ni kan m'akuri n ana Tembora, ai moara ra riki Terub'abera ao Iotua.

Ebera 10:23

Ao ti na taua ni kamatoa te kaantaninga are ti kaotiotia ma te aki nanokokoraki; b'a E kakaonimaki Teuare atonga te taeka n akoi.

1.Tamuera 26:19

Te uea ae ko karineaki, ongora nakon te b'ai ae N na taekinna. Ngkana bon te UEA ae e karaoiko b'a ko na eekainako, ao e na konaa ni bitaki nanona n te angakarea nakoina; ma ngkana arona b'a bon mairouia aomata ae e riki iai aei, ao ke a b'akariia ana kamaraia te UEA. B'a a tia ni kanakoai man aban te UEA nakon te aba ae e ti tataromauriaki iai antiia ianena.