2.Rongorongo 36:17 - Te B'aib'ara

¹⁷ Ao e kanakoa uean B'aburon are Nebukaneta te UEA b'a e na buakana Ierutarem. Ao Nebukaneta, e tiringiia rorobuaka n ataei ake n te Tembora, ao bon akea nanoangaan temanna i rouna, e ngae ngke te m'aane ke aine, te ataei ke te kara. E karaoia te Atua b'a e na tiringiia aomata ni kabane n te kaawa are e buubura arei.

2.Rongorongo 36:17 ပူးပေါင်းရင်းမြစ်များ

2.Rongorongo 24:21

E m'aninga Ioati ae bon te rao ae e a tia n rangi ni kakaonimaki taman Tekaria. Ma ngaia are, ngke a iangoa tiringakin Tekaria kaain Iuta, ao e bon raoniia naba Ioati ma n anga taiani babaaire b'a e na kareaki n atiibu ni karokoa matena i nanon katawanangin te Tembora.

2.Rongorongo 33:11

Ma ngaia are, e kanakoa ana taanga ni buaka Aturia ni buakana Iuta ma n taua Manate. A kanim'a te matau i b'airina, ao a kabaea n taian taurekereke, ao a uotia nako B'aburon.

2.Rongorongo 34:24

“Iotia, bon te UEA Ngai! I kaantaningaia b'a n na katuaaea te aba aei ao kaaina ni kabane akana iai, n aron ae e taekinaki n te boki aei.

Etira 5:12

Ti kaongoaki b'a a tia aia botannaomata ni kauna Atuaia, ai ngaia are E a kariaia b'a a na kataenikaiaki iroun Nebukaneta, are uean B'aburon are e uotiia nako b'a taenikai i B'aburon. Ao Nebukaneta e kamaenikuna aia Tembora ni kab'aka,

Etira 9:7

Ti a bane n tia ni bure ni moa man aia tai ara bakatibu, ao ti bane n tia ni bure. Ao bon anne bukina ngkai ti aki toki ni kookonaaki ngaira, ara uea ao ara ibonga irouia uea ake tekorakina. A tia n tiringiia tabeman mai buakora ao a tia n toroniia tekorakina; a tia n anai ara b'ai ao ma ni kamamaaira, n ai aron ae e riki nakoira n te bong aei.

Taian Areru 74:20

Ko na ururinga te boraraoi are Ko karaoia ma ngaira. A toa taabo nako aika roo i aon te aba ni m'akuri ni kakiriwe.

Taian Areru 79:1

Te Atua, a roko baronga tabeua n ninia Abam. A kam'araea am Tembora are Tabu ao a urubekebekea aon Ierutarem.

Itaia 13:18

A tiringiia rorobuaka n aia kanoanikatebe; e na bon akea te nanoanga ae e na nooraki nakoia ataei aika a uarereke ao naati.

Itaia 43:28

Ao bon anne bukina ngkai I aki kariaia ami ibonga b'a a na m'akuri ibuku; E na kamaunaaki Iteraera ao a na kamaamaaeaki ami aomata.

Itaia 47:6

I un ngkoa irouia au aomata. Ma ngaia are, I kanakoko b'a ko na anaa abaia ma ni karokoa te kamaamaaeaki i aoia. Bon akea am Nanoanga nakoia, ma ai moaraara riki nakoia ake a kara.

Ieremia 11:22

Ma N na katuaaia. Ane a na mate aia rorobuaka n ataei n te buaka, ao ane a na mate ni baki natiia.

Ieremia 16:6

E na bon ti te bo aron mateia aika a kaub'ai ma aika a maiu ni kainano b'a a na tiku n aki taunaki. Bon akea aika a na tang n nanoangaia ma ni kaota nanokawakiia ni korokorea rab'ataia ke ni kamaraa atuuia.

Ieremia 18:21

Ma ngkai I a butiko b'a Ko na kamateia natiia n te baki ke ni kamateia n te buaka. Kakeai buuia ma natiia mm'aane aine nako n te aoraki ao te tiritiri.

Ieremia 21:1

Ao e kananako wetean Batura are natin Marekia ao te ibonga are arana Teb'ania are natin Maateia te mm'aane te Uea are Tetekia. are uean Iuta. Ao i mwiina, e tuangai b'a N na tuangiia ni kaangai, “Ko na taetae ma Ieremia i buku.” Ma ngaia are a roko irou ao a taku,

Ieremia 21:7

Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

Ieremia 32:28

E bon koaua b'a N nang bon kam'anangaa te Uea are Nebukaneta b'a e na taua Ierutarem.

Ieremia 32:42

E ngae ngke I a tia ni karokoa te kabuanib'ai i aoia aomata, ma n te bong teuana N na karaoi b'aai ni kabane aika a raoiroi i bukiia.

Ieremia 40:3

Ma a bon teimatoa ni kakaitaraa, ao ngkai E a katuaaia n aron are E a tia n taekinna.

Ieremia 51:22

ao ai uana naba ma mm'aane ao aine, ataei ao kaara,

Ieremia 9:21

Ti mena i nanon ara nono, ma e karaba n roko te mate ri nanon ara winto nako. E bon oroia naba ara ataei ni kab'akaia ngke a takaakaro ao ara rorobuaka n ataei aika a rangi ni korakora naba.”

Etekiera 16:40

A na tiringko am tangira ma te koraki ni kamangao; ao a na korokorea rab'atam ngkana e a mate

Etekiera 21:28

E taku te UEA ae te Atua: Etekiera ae natin te aomata, a kab'ainranga Iteraera kaain Ammon, ma ngaia ae ko na kabuakakaia ma n tuangiia ni kaangai: E a b'aka te kabaang, e tauraoi n tiritiri; e karaneaneaaki ao e katauraoaki nakon te tiritiri ae e biri m'aaka n aron te iti.

Taniera 9:14

Te Atua ae te UEA, ko katauraoi nakon karekeani kaira, Ko karaoa anne i bukina ngke Ko boni karaoa ae e eti n taai nako, ao tiaki kan ongo iroum.

Tekaria 1:6

Ma a koro bukin au taeka nakoia ami bakatibu ake taekinaki irouia burabeti. Ma ngaia are, a okirai ao a taku, “Te UEA ae Moan te M'aaka, ko a tia ni katuaaira i bukin ara bure nako, n aron are Ko a tia ni baaireia.”

Te Tua-Kaua 30:18

Ngkana kam ongotaeka nakoina, ao kam na maiu ma ni riki n tetekeraoi ao ni korakora. Ma, ngkana kam n rinea te aki ongotaeka ao te raarawa nakon te UEA, ma ni bobaraaki n taromauriia atua tabeman, ao I kauringkami, b'a a na aki ananau maiumi.