2.Rongorongo 36:16 - Te B'aib'ara

¹⁶ Ma a ti ngare aomata ao a kakanikoia burabeti akekei. A aki kubara te b'ai are e kataia n taekinna te UEA nakoia, ni karokoa e a rangi n un n te aro are bon akea ae e konaa ni katokia man katuaeakiia kaain Iuta ao Ierutarem.

2.Rongorongo 36:16 ပူးပေါင်းရင်းမြစ်များ

2.Uea 2:23

E kiitana ikekei Eritai, ao e m'angana nako Betaera. Ao ngke e tabe n nakonako ao a takaarua tabeman ataei ni maanee ni b'ainikirinna ao a taku, “Naako mai ikai te mara n atu. Kiitana ikai!”

1.Rongorongo 19:4

Ao Anun, e tauia ana mataniwi Tawita ao e koroi buaia ni kabane ao e korouai niiniiraia rikaaki nakon koreaia, ao e kanako ia ni kaokiia.

2.Rongorongo 24:19

ma E bon teimatoa naba ni kananakoia burabeti ake a na kauringiia b'a a na rairaki nako ina. Ma a aki kan ongo aomata.

2.Rongorongo 30:10

A nako taan uarongorongo ni kabutai kaawan nako Eberaim ao Manate Maeao nakoiang ni karokoa aban Teburun, ma a bane aomata ni ngare ma ni kakanikoia.

Etira 5:12

Ti kaongoaki b'a a tia aia botannaomata ni kauna Atuaia, ai ngaia are E a kariaia b'a a na kataenikaiaki iroun Nebukaneta, are uean B'aburon are e uotiia nako b'a taenikai i B'aburon. Ao Nebukaneta e kamaenikuna aia Tembora ni kab'aka,

Neemia 9:26

Ma e ngae n anne, ao a bon kakaitaraa naba ma n aki ongotaeka nakon am tua. A tiringiia am burabeti ake a aki toki ni kaakauringiia b'a a na rairaki nakoim, ao a karereantia aram.

Neemia 9:30

Ko teimatoa n taotaona nanom, ao Ko kauringiia n Tamneim n ririki aika a m'aiti n am rongorongo ake Ko taekin rinanoia am burabeti. Ma a bon teimatoa naba n rawa n ongo, ao Ko anga ngaiia nakoia aia kairiribai.

Taian Areru 35:16

Ai aroia aomata ake a b'ainingarea ae m'auku, ngke a kangengei wiia nako iu.

Taian Areru 74:1

Te Atua, Ko aera ngkai Ko kitanira n te aro aio? E na toki ningai unim irouia am Aomata?

Taeka n Rabakau 29:1

Ngkana ko teimatoa ni bonotaninga ngkana ko a tia n anganaki taiani kauring, ao ane ko na kubanako ni kunea b'a ngaia ko a tia n rangi n raroa nako.

Taeka n Rabakau 6:15

Ma ane a na oreaki n taian kabuanib'ai aika a karina ao ane a na tiku n akea aia kaantaninga.

Itaia 28:22

Ma ngaia are, kam riai ni katoka ami b'ab'ainingare b'a kam kaawa ni kamatoatoaa riki kabaeami nakon are mai m'aaina. I ongo taekan te UEA ae Moan te M'aaka b'a e orea te aba ae b'anin ni kamaunaa.

Itaia 5:4

Tera riki ae N na konaa ni karaoia nakon au nne n aroka ni kureebe? I kaantaningai kureebe aika a karewerewe, ma ai tenaan kureebe aika a maai aika a maiu i nanona ni kabane.

Itaia 57:4

Antai ae ko na b'ainikirinna? Antai ae ko na kakanikoa? An tarai moa am bure aika kateinibabako.

Itaia 65:12

Tokimi bon te mate kaakaiaki, i bukina b'a kam aki kaeka ngke I weteingkami, ao kam aki ongora naba ngke I taetae. Kam rineia b'a kam na bonotaninga nako iu ao ni karaoa naba ae buakaka.

Ieremia 13:10

A buakaka kaain Iuta ao a taningabono. Ma ngaia are, ngkai a aki kakauongo i Rou, ma a karaoi b'aai aika a bon tangiria, ao a bon taromauri naba anti tabem'aang. Ngkana e tia te b'ai ae N na karaoia nako ia aomata aikai, ao a na riki b'a te b'ai ae akea manenana, a na riki b'a kaanga te kawaerake te kororo aei.

Ieremia 20:7

Ko kam'aneai, te UEA, ao I bon riki b'a te nanobaba iai. Ko korakora riki nako iu, ao Ko a tia ni kataenikaiai. A aki toki aomata ni matanikakanikoai ao n taetae n aki akaaka nako iu.

Ieremia 20:8

Ko a tia n kariaia b'a n na ti katanoataa te urub'ai ma te mate. Bon akea te b'ai ae e anganai am rongorongo b'a ti taetae n aki akaaka ao taiani kangaanga.

Ieremia 30:12

E taku te UEA: Au aomata, kam a ikoaki ao kam a kani mate.

Ieremia 32:3

E a tia n tua Tetekia b'a N na tauaki ikekei i bukin b'aai ni kabane ake I tuangiia aomata ake E taekin te UEA ae a kaangai: Bon te UEA Ngai, ao N nang katokanikaia uean B'aburon i aon Ierutarem.

Ieremia 32:33

A tinanikuai; e ngae ngke I teimatoa n reireiniia, a bon aki kan ongo ke n reireiniia aroia ae e raoiroi.

Ieremia 38:6

Ao i mwiin anne, a kaokai nakon aia katawanang taan tei n te bareti, ao a nnaai rikaaki n te roobu nako nanon te m'anib'a are ana m'anib'a Marekia, are te natinuea te mm'aane. Bon akea te ran i nanon te m'anib'a arei, ao I a inako i nanon te bokaboka.

Ieremia 42:18

I un Ngai ae te UEA irouia kaain Ierutarem ao I katuaaia. Ngkana kam nako Aikubita, ao N na bon un ao N na katuaaingkami n te aro naba anne. Kam na bon aki manga noora abami. Ane a na maaku aomata n te b'ai ae N nang karaoia nako imi, ao ane a na kabonganaa aran ami kaawa ae e buubura aei b'a te taeka ni kamaraia.

Taniera 9:6

Ti a tia n aki kan ongo iroun am toro are te burabeti, are e taetae n Aram nakoia ara uea, ma ara taan tautaeka, ma ara bakatibu, ao ara botannaomata.

Nakoaia Ibonga 26:15

Ngkana kam rawa n ongo n au tua ma au Kaetieti nako, ao ngkana kam urui au boraraoi,

Mataio 23:34

Ma ngaia ae N na kanakoia burabeti, ma aomata aika rabakau, ma taani koroboki nako imi: ao ane kam na kamateia tem'angina, ao kam na tauriia tem'angina ni kaibangaki; ao ane kam na kataereia tem'angina i nanoni m'aneabami, ao kam na kakioia nako man te kawa teuana nakon te kawa teuana.

Mataio 5:12

B'a a b'ainikiriniia burabeti ake a maiu i m'aimi n te aro naba aei. Kam na kukurei, ao kim'areirei, b'a a bati b'aai n tituaraoi ae E katauraoi te Atua i bukimi.

Ruka 16:14

A ongo baikekei ni kabane B'aritaio ake a baki m'ane, ao a kakanikoa Iesu.

Ruka 18:32

B'a ane a na anga nakoia Tientaire, ao ane a na kakanikoa, ao a na iowawa nako Ina, ao a na bawareia.

Ruka 23:11

Ao Erote ma ana tautia, a kaota te aro n aki karinerine nako Ina, ao a kakanikoa; ao ngkanne a katokaa i aona te kunnikai ae tamaroa, ao a manga kaokia nakoni Birato.

Ruka 23:36

A kakanikoa naba tautia, ao a nako Ina n anganna te wain ae kamangingi,

Ruka 6:23

Kam na kim'areirei n te bong arei, ao kam na kibakiba rake ni kukurei, b'a noria, a bati kaniwangami i karawa aika kam na anganaki mairoun te Atua; b'a a karaoi naba baikai aia bakatibu nakoia aia burabeti.

M'akuri 13:41

“Noria, ngkami aika taani kakaniko, kam na mimi ao kam na mate! B'a te m'akuri ae I karaoia i nanon ami tai ni maiu, bon te b'ai ae kam na aki kakoaua, e ngae ngkana e kab'arab'araaki taekana nakoimi iroun temanna!”

M'akuri 17:32

A kakaniko tem'angina ngke a ongo taekaia maate b'a a kona ni manga uti; ao a taku ake tem'angina, “Ti a manga ongora i roum n taekan naba te baenne.”

M'akuri 2:13

Ma a taetae ni kakaniko tem'angina ao a kaangai, “A koro ni manging n te wain!”

M'akuri 7:52

Antai i buakoia burabeti ae aki b'ainikirinaki irouia ami bakatibu? Boni ngaiia ake a tiringiia uake a kaman tataekina rokon Teuare Raoiroi, are Ngaia are kam a tia ngkai ni kam'anea ao kam tiringnga.

1.I-Tetaronike 4:8

Ma ngaia are te aomata ae rawa nakon te taeka n reirei aei, ao e aki rawa nakon te aomata, ma e rawa nakon te Atua, are anganingkami Tamneina are Raoiroi.

Ebera 11:36

A kataaki tem'angina ni kakanikoaia ao ni kataereaia, ao tem'angina ni kabaeaia n taurekereke ao ni kainakiia n te karabuuti.

Tani Motiki-taeka 2:17

N ririki ake a nako, ao a kakaonimaki Iteraera nakon te UEA, ma a manga waekoa n aki kakaonimaki man rawa n ongo irouia taani moti aikai. A na aki ongotaeka Iteraera iroun te UEA, ao ane a na manga taromauriia atua riki tabeman n onea mwiin taromauriana.