2.Rongorongo 36:14 - Te B'aib'ara

¹⁴ Ao a rikirake n aki rangi ni kakaonimaki riki kaain Iuta ao bon taian ibonga naba ake taan kairiiri. A katotoongaia botannaomata ake i rarikiia ni karaoi m'akuri aika a rangi n ribaaki ao a karika ana Tembora te UEA b'a e na aki raoiroi i bukin te taromauri.

2.Rongorongo 36:14 ပူးပေါင်းရင်းမြစ်များ

2.Rongorongo 28:3

ao e anga karea n te M'arua are Innom. Ana bure ae e rangi ni buakaka ngke e anga oin natina te m'aane b'a ana karea, are bon te katei ae moan te buakaka ngkoa irouia te botannaomata ake a kanakoaki iroun te UEA mai aon Iteraera.

2.Rongorongo 33:9

Ma a ongo kaain Iuta ma Ierutarem iroun Manate ao a karaoi riki taian bure aika a rangi ni buakaka nakon are a karaoia taiani botannaomata ake e kakioia nako ngkoa te UEA.

2.Rongorongo 34:24

“Iotia, bon te UEA Ngai! I kaantaningaia b'a n na katuaaea te aba aei ao kaaina ni kabane akana iai, n aron ae e taekinaki n te boki aei.

2.Rongorongo 36:13

E a tia uean B'aburon are Nebukaneta ni kairoroa Tetekia b'a e na berita n aron te Atua b'a e na kakaonimaki. E taningabono Tetekia ao e rawa n rairaki nako te UEA ae Atuan Iteraera, ma ngaia are, e kaaitaraa Nebukaneta.

2.Rongorongo 36:15

Ma e nanoangaiia ana aomata te UEA ae te Atua, ao e aki uruaka te Tembora, ma e a kanakoia taiani burabeti are e aki toki ni kauringiia aomata i bukin aia bure.

Etira 9:7

Ti a bane n tia ni bure ni moa man aia tai ara bakatibu, ao ti bane n tia ni bure. Ao bon anne bukina ngkai ti aki toki ni kookonaaki ngaira, ara uea ao ara ibonga irouia uea ake tekorakina. A tia n tiringiia tabeman mai buakora ao a tia n toroniia tekorakina; a tia n anai ara b'ai ao ma ni kamamaaira, n ai aron ae e riki nakoira n te bong aei.

Ieremia 32:34

A a tia ni katei taian bouananti i nanon au Tembora, ao ngkai e a aki tau i bukin taromauriau.

Ieremia 32:35

Ao a kairiia kaain Iuta nakon te bure ngke a manga karaoi taabo i bukin taromaurian B'aara n te M'arua are Innom, ike a karean iai natiia mm'aane ma natiia aine nakon Moreka. I bon tuai man tuangiia b'a a na karaoi buure aika a rangi n ribaaki aikai.

Ieremia 38:4

Ma ngaia are, a m'ananga ni kawara te uea naake aman akekei ao a taku, “E na riai ni tiringaki Ieremia b'a e kab'arai nanoia tautian te kaawa aei ma aomata ni kabane, e kataia ni kakiriwei nanoia aomata.”

Ieremia 5:5

N na nako n taetae ma taan kairiiri. A na ataa te b'ai ae e tangiria te UEA.” Ma a bon rawa naba n ongotaeka i roun te UEA.

Ieremia 5:6

A a tia aomata ni kakaitaraa ma ni katinanikua te UEA n taai aika a m'aiti. Tabeman kairiribai a buaka kaanga taian raian man te buakonikai ke taian kameaanti man te rereua. A na mamataukiroa kaawan nako Iuta ao a na raebitii konaiia aika a otinako kaanga taian reeb'ari.

Etekiera 11:12

Ane kam na ataia b'a n iriiran aia tua botannaomata akana i rarikimi, kam bon aki ongotaeka iai nakon au tua ma au reirei. Ao bon te UEA Ngai!

Etekiera 22:6

A kabonganai oin m'aakaia taani kairiiri n tiritiri.

Taniera 9:6

Ti a tia n aki kan ongo iroun am toro are te burabeti, are e taetae n Aram nakoia ara uea, ma ara taan tautaeka, ma ara bakatibu, ao ara botannaomata.

Taniera 9:8

A karaoi m'akuri aika a kamamaa ara uea, ara taan tautaeka, ao ara bakatibu, ao a bure nakoim te UEA.

Nakoaia Ibonga 19:30

I tuangngkami b'a kam na karinea te Taabati ao te tabo are I taromauriaki iai.

Mika 7:2

Bon akea nikiran te aomata ae e raoiroi n tiku n te kaawa, akea ae e kakaonimaki nakon te Atua. A bane ni iangoa te kan tiritiri aomata nako. Ai bon te ikam'aam'ane temanna ma temanna i nanon aia kaawa.

Te Tua-Kaua 18:9

Ae kam a kan roko n te aba are anganingkami te UEA ae Atuami. Ao a bati n ribaaki aia m'akuri botannaomata ake a maeka ikekei iroun te UEA, ao kam na aki katotongi aia m'akuri.