2.Rongorongo 36:11 - Te B'aib'ara

¹¹ Ai uabwi ma teuana ana ririki ni maiu Tetekia ngke e rineaki b'a te uea i aon Iuta, ao e tautaeka mai Ierutarem i nanon tebwi ma teuana te ririki.

2.Rongorongo 36:11 ပူးပေါင်းရင်းမြစ်များ

2.Uea 25:1

N ana karuaiwa n ririki n uea Tetekia, ni katebwinan bongin te katebwina n nam'akaina, ao e kam'anangaa ana taanga ni buaka ni kabane uean B'aburon are Nebukaneta ni buakana Ierutarem. A katea aia kaemb'a tautia i tinanikun te kaawa are e buubura arei ao a karaoi taian taua ni karietaatai ni karokoi n rietan oon te kaawa.

Ieremia 1:3

ao E teimatoa n taetae nako iu i nanon ana tai n tautaeka natin Iotia are Ieoiakim te mm'aane. Ana kabanea n taetae te UEA nako iu bon n te kanimaua n nam'akaina n ana katebwi ma teuana n ririki Tetekia are natin Iotia te mm'aane n uea. Bon anne naba te tai are a uotaki nako iai kaain Ierutarem b'a taenikai.

Ieremia 27:1

N te tai ae e aki maan i mwiin rikin Iotia are natin Tetekia te mm'aane b'a te uea i aon Iuta, ao e tuangai te UEA

Ieremia 28:1

Rimwi riki n te ririki naba anne, n te kanimaua n nam'akaina n ana kaaua n ririki n uea Tetekia, ao e roko nako iu n te Tembora Anania are natin Atura te mm'aane are mai Kibeon. Ao e tuangai ana taeka te UEA

Ieremia 29:16

Ongora nakon te b'ai ae e taekinna te UEA ae taekan te uea ake e tautaekana te abanuea are e tautaekanaki ngkoa i roun Tawita, ao taekaia naba kaain te kaawa ae e buubura aei, ake bon ami koraki ake kam kaai n aki uotaki nako ma ngaiia nakon te kataenikaiaki.

Ieremia 34:2

b'a N na taetae nakon Tetekia ni kaangai: Boni Ngai ae te UEA ae N nang kam'ananga Nebukaneta b'a e na taua te kaawa are e buubura arei ma ni kabuokia ni kab'aka.

Ieremia 37:2

Ma Tetekia ma ana mataniwi ao aomata ni kabane ake i Iuta, a aki tabe ma b'aai ni kabane ake E a tia n tuangai te UEA.