2.Rongorongo 36:10 - Te B'aib'ara

¹⁰ Ni bongin te aumeaang n te ririki, ao e katika Ieoiakin uean Aikubita are Nebukaneta ao e uotia nako B'aburon, ni ikotaki ma b'aai riki tabeua aika a kakaawaki aika b'ain te Tembora. Ao e a manga rinea Tetekia Nebukaneta b'a e na uea i aon Iuta.

2.Rongorongo 36:10 ပူးပေါင်းရင်းမြစ်များ

2.Tamuera 11:1

E a kaan banen bongin te aumeaang, bon taai are a naanako iai taian uea ni buaka. E kanakoa ana taanga ni buaka Iteraera ae e b'anin i aan ana kairiiri te kam'anta are Ioaba ma ana aobitia. A kamaunaa ana taanga ni buaka Ammon ao a otab'aninia atuun kaawan te tautaeka are Rab'a, ma e tiku Tawita i Ierutarem.

2.Uea 20:17

N te bong teuana ao b'aai ni kabane aika ko a tia ni kaawakin ma ake a tia naba ni kaawakin am bakatibu n te autinib'ai, a na manga bane ni uotaki nako B'aburon. E a tia ni berita te UEA b'a a na akea te b'ai ae e na tiku.

2.Rongorongo 36:18

E uoti nako b'aai ni kabane Nebukaneta ake a tiku i nanon te Tembora; e iraea te kaub'ai ao kanoan ana ruunib'ai te uea ma ana mataniwi. E uoti b'aai ni kabane nako B'aburon.

2.Rongorongo 36:7

E uoti nako naba taian b'ai aika a kakaawaki Nebukaneta man ana Tembora te UEA, ao e kaaki n ana bareti i B'aburon.

Etita 2:6

Ngke e anaa uean Iuta uean B'aburon are Nebukaneta, are Ieoiakin mai Ierutarem nakon te kataenikaiaki, ao bon raoia naba taenikai teuare Moretekai.

Itaia 39:7

A na uotaki nako tabeman natimi m'aane nako B'aburon, ike a na kamaamaeaki ma ni kam'akuraki n ana baareti te uea.

Ieremia 20:5

E na kaitiaka kaub'ain te uea ma n anai b'aai nako aika a kakaawaki mai Ierutarem.

Ieremia 22:25

N anga ngkoe nakon te kairiribai are ko maakua, nakon te Uea are Nebukaneta ma ana taanga ni buaka, ake a tangiria n tiringko.

Ieremia 24:1

E taetae te UEA nako iu n te mii ngke e a tia Nebukaneta are uean B'aburon n roko i Iuta ma n uota nako te uea are Ieoiakin, ana aobitia, ana taani m'akuri aika a m'aatai ni kaokia nako B'aburon. N te mii aei, I noora uoua te b'aene ni biiku i matan ana Tembora te UEA.

Ieremia 27:16

Ao ngke e bane au taetae ma te uea, ao I nako ia ibonga ao I tuangiia te b'ai are e taekinna te UEA: Kam na aki ongo irouia burabeti ngkana a taku b'a e na kaoki b'aai ni kabane kaain B'aburon ake e anai ngkoa man te Tembora. A kewetaia burabeti aikai!

Ieremia 28:3

Ao i nanon uoua te ririki, N na kaoki nako Ierutarem b'aai ni kabane ake e uoti nako mai B'aburon.

Ieremia 37:1

Ao e a tia ni kanakoa Ieoiakin are natin Ieoiakim te mm'aane man te nakoa ni uea i aon Iuta te Uea are Nebukaneta, ao e a manga kauea Iotia are natin Tetekia te mm'aane n onea mwiina.

Etekiera 1:2

Bon ana kanimaua n ririki mai mwiin uotakinakoan te uea are Ieoiakin nakon te kataenikaiaki.

Etekiera 17:12

Etekiera, ko na titirakiniia Iteraera aika taani kamangao b'a tera nanon te karaki. Tuangiia b'a e roko ngkoa uean B'aburon i Ierutarem, ao i mwiina, e taua uean Iuta ma ana mataniwi, ao e uotiia ni kaokiia nako B'aburon b'a taian taenikai.

Etekiera 17:6

E teberake te ati ao e rikirake b'a te kureebe ae e tababaa nako i aon te tano. A m'aiti baana ma wakaana aika a korakora aika a nene rikaaki, ao e riki rake m'aangana ni waerake nakon te ikare.

Taniera 5:2

Ao ngke a tabe ni mooi, ao e tua Beretiata b'a a na uotaki nakoina taiani koora ma m'angko ma boora ake taian tirewa ake e anai tamana are Nebukaneta man te Tembora are i Ierutarem. Ao e tib'ai nakoia ana iruwa ake a kakannato, ma buuna nako, ao nakoia buuna naba ni kewe b'a a na mooi iai.

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Ab'akuka 1:10

A mata ni kakanikoia Uea, ao a ngareakiniia ake a rietaata nakoaia. Bon akea te nano ae e na kona n totokoia, b'a a katabukirake taano i rarikiia ao a taua.