2.Rongorongo 35:3 - Te B'aib'ara

³ E weteia kanoan Rewi ake a m'akuri i bukin te UEA ake a reireiniia aomata ana tua nako te UEA, ao e taku: Kam a aki manga uouota te Atiniberita man te tabo teuana nakon te tabo teuana. E na tiku i nanon te Tembora are e kateaki iroun Toromon are te uea are natin Tawita te m'aane, ike kam na m'akuri iai i bukin te UEA ao Iteraera.

2.Rongorongo 35:3 ပူးပေါင်းရင်းမြစ်များ

1.Rongorongo 23:26

Ma ngaia are, a aki tangiria kanoan Rewi ni kam'ainga te Um'antabunrianna ao b'aai aika a kakabonganaaki n te taromauri man te tabo teuana nakon te tabo teuana.

2.Rongorongo 17:7

I nanon ana katenua n ririki n tautaeka Ieotiab'ata, ao e a rineia ana mataniwi aika niiman ao e tuangiia b'a a na reireiniia aomata ana tua te UEA ni kaawa ni kabane aika a buubura ao kaawan nako Iuta. Ana mataniwi aikanne bon Benaira, Ob'aria, Tekaria, Netanera, ao Mikaia.

2.Rongorongo 30:22

Ao Etekia e kaaitauia kanoan Rewi i bukin karaoan taian m'akuri ae e raoiroi, are kairiia aomata i nanon waakin te bootaki. A bukamarua te Toa taan taromauri i nanon itiua te bong n anga taian karea, ao ni kang taian am'arake ake a tabu, ao n neboa te UEA are Atuaia aia bakatibu.

2.Rongorongo 34:14

Ngke a anganaki te m'ane koraki ake taan tararua te m'akuri, ao e kunea te boki Irekia te boki ae kanoana taian tua ake e anga te UEA nakon Moote.

2.Rongorongo 5:7

A uota te Atiniberita taian ibonga nakon te Tabo are Moan te Tabu ao a kaaki i aan baiia baika a maiu,

2.Rongorongo 8:11

Ao buun Toromon are natin uean Aikubita e kitana m'akoron Ierutarem are e atongaki b'a ana Kaawa Tawita nakon ana bareti ae e boou are e a tib'a tia ni karaoia Toromon. A aki riai ni maeka buun Toromon n ana Kaawa Tawita i bukina ngke e tabu b'a e mena iai te Atiniberita.

Te Otinako 32:29

Ao e taku Moote nakoia, “Ongotaeka iroun te UEA ao karaoa ae raoiroi, ao kam na m'akuri b'a ibonga ngkami i bukiia Iteraera. E bon matoatoa i roumi b'a kam na tiringiia oin natimi mm'aane ao tarimi, ma E a tia te UEA ni kakab'aiaingkami ma ni karikingkami b'a ana ibonga n te bong aei.”

Maraki 2:7

Kam riai ngkami aika ibonga ni kakorakora nanomi n kabutaa nako te ataib'ai, ao a riai aomata nako ni kawaringkami i bukin reireiaia, i bukina b'a kam taetae ibuku, Ngai ae te UEA ae Moan te M'aaka.

Warekaia Iteraera 8:19

ao I a tia ni manga anga ngaiia b'a b'aintangira nakon Aaron ma natina mm'aane b'a a na m'akuri n te Um'antabunrianna, ao a na reke naba kamauraia Iteraera man te rekenikai ngkana a kuba ni kaaniia te Um'antabunrianna.

2.I-Korinto 4:5

B'a ti aki taekinira, ma ti taekina Kristo Iesu b'a te UEA, ao ngaira b'a ami toro i bukin Iesu.

Te Tua-Kaua 33:10

Kam reirei ana Tua te Atua nakoia Iteraera, ao kam anga taiani karea ao kam kabuoki taian b'ai ni kaboiarara n te tabo n taromauri.