2.Rongorongo 35:21 - Te B'aib'ara

²¹ E kanakoa ana rongorongo Neko nakon Iotia ae kaangai: I aki buakaniko, uean Iuta! Ti aki buaka ma ngkami. Ma e tuangai te Atua b'a n na waekoa ni buakana au kairiribai. E mena te UEA n au itera, ma ngaia are, ngkana ko kataia ni katokai, ao e na katuaaeko.

2.Rongorongo 35:21 ပူးပေါင်းရင်းမြစ်များ

2.Tamuera 16:10

Ao e kaeka Tawita ni kaangai, “Ko na aki katabea nanom iai ma tarim are Ioaba. Ngkana arona b'a e kamaraiaai Timei b'a e tuangnga te UEA, ao antai ngkami b'a kam na katokia?”

2.Uea 18:25

Kam na aki m'aninga are bon te UEA ae E kanakomaiai b'a N na kamaunaa ami botannaomata.”

2.Rongorongo 25:19

Amatia, tao ko taku ngkai b'a ko a rangi ni korakora i bukina ngke ko kataenikaiia Etom. Ma ko riai ni karauko ni mwengam ni booa am baka ni kukurei. Ngkana ko karaoa te kamwebuaka, ao ko na kaai ni kamaunaaki ngkoe ma abanueam ane Iuta.

2.Rongorongo 35:22

Ma e aki tabe Iotia ma ana kauring Neko, e ngae ngke e bon nako mairoun te Atua! Ao e boni m'ananga naba ni buakana Neko n te M'arua are Mekito.

Itaia 36:10

Kam na aki m'aninga are bon te UEA ae e kanakomaiai b'a N na tiringiia ami botannaomata!

Mataio 8:29

Ao noria, a takarua ni kangai, “Tera am b'ai i roura, Ngkoe, ae Natin te Atua? Ko nako mai ni kamarakira ngkae e tuai n roko te Bongi ni Motiki-taeka?”

Ioane 2:4

E taku Iesu nakoina, “Neiko, tai kataia n tuangai b'a tera ae N na karaoia. E tuai n roko au aoa.”