2.Rongorongo 35:15 - Te B'aib'ara

¹⁵ I nanon tain te bootaki ao iai tabeman kanoan Rewi ake a katauraoia maan i bukin te Toa are te Riao i bukiia taan katangitang ao taan tei, b'a a aonga n aki kitana aia tabo taani katangitang ake kanoan Rewi, ake a tia n anganaki tib'angaia ni kaineti ma ana kaetieti Tawita, Ataba, Eman, ao Ierutun are ana burabeti te uea. Ao a bon aki kiitani aia boua taan tei ake ni mataroan te Tembora.

2.Rongorongo 35:15 ပူးပေါင်းရင်းမြစ်များ

1.Rongorongo 23:5

akana 4,000 a na riki b'a taan tei n te Tembora, ao 4,000 a na neboa te UEA ni katang taiani b'ai ni katangitang ake I a tia n anganiia.”

2.Rongorongo 30:16

i bukina b'a a m'aiti taan taromauri aika a tuai n itiaki ao a aki kariaiakaki b'a a na tiring oin aia tiibu teteei. I nanon te tai anne, iai tabeman taian ibonga ao kanoan Rewi ake a tiku naba ni mamaa i bukina ngke a tuai n ri nanon te bootaki i bukin kaitiakaia.

2.Rongorongo 35:14

E bong aia bong ibonga n tabetabe n anga karea ao ni kabuoki nenean taiani man i aon te baonikarea. Ao ngke a bane n tia aomata, a katauraoi taian man i bukin te Toa are te Riao kanoan Rewi bon i bukiia ao i bukiia naba ibonga.

2.Rongorongo 35:16

Ma ngaia are, n te bong anne, e karaoaki te Toa are te Riao i bukin karinean te UEA, ao a kareanaki taian karea i aon te baonikarea i bukina, n aron are e a tia taekinna Iotia.

2.Rongorongo 8:14

Ao e anganiia tib'angaia ibonga ao Kanoan Rewi Toromon n te Tembora, ao e ira te kaetieti are e a tia tamana are Tawita n anganna. Ao tabeman kanoan Rewi a na kaira te katangitang ma ni buokiia ibonga n aia m'akuri, ao tabeman a na teiakina mataroan nako oon te Tembora

Etira 3:10

Ngke e a bane kawenean aan te Tembora irouia taani kateitei, ao a karin niniiraia n ibonga taian ibonga ao a katang taiani bu b'a karinean te UEA, ngke a tabe n anene kanoan Rewi ake man ana utu Ataba n neboa te Atua n taian timbara. A bane aomata n irii taiani kaetieti man ririki aika a b'aka nako ake mairoun Tawita are te uea.

Etira 6:20

Ao taiani ibonga ma kanoan Rewi a tia ni karaoi kaitiakaia n aron taekan te tua b'a a aonga n tau i bukin kairan te taromauri. Ao tabeman mai buakoia a tiring tiibuteteein te Riao i bukiia ake a tib'a oki, n reitaki ma ibonga ake tekorakina ao bon i bukiia naba.

Taian Areru 77:1

I kanenea b'anaau ni wetea te Atua; I tang n takaarua, ao E ongo irou.

Taian Areru 78:1

Au botannaomata, kam na ongora n au taeka n reirei, Ao katanimai taningami nakon te bae N na taekinna.

Taian Areru 79:1

Te Atua, a roko baronga tabeua n ninia Abam. A kam'araea am Tembora are Tabu ao a urubekebekea aon Ierutarem.