2.Rongorongo 35:11 - Te B'aib'ara

¹¹ Ao a tiring man kuoti kunin taian tiibu i bukin te Toa are te Riao kanoan Rewi, a anga teutana te raraa nakoia ibonga, ake a katimtim'a i aon te baonikarea.

2.Rongorongo 35:11 ပူးပေါင်းရင်းမြစ်များ

2.Rongorongo 29:34

A bon aki tau m'aitiia ibonga i bukin kanakoan kuniia taiani man, i bukina b'a a bon m'aiti taian ibonga ake a tuai reke aia tai n ri nanon te bootaki i bukin kaitiakaia. Ma i bukina ngke a m'aiti kanoan Rewi ake a tia ni kaitiakia, a buokiia ibonga ni karokoa banen kuniia taiani man.

2.Rongorongo 30:16

i bukina b'a a m'aiti taan taromauri aika a tuai n itiaki ao a aki kariaiakaki b'a a na tiring oin aia tiibu teteei. I nanon te tai anne, iai tabeman taian ibonga ao kanoan Rewi ake a tiku naba ni mamaa i bukina ngke a tuai n ri nanon te bootaki i bukin kaitiakaia.

2.Rongorongo 35:1

E anga ana taeka Iotia b'a e na karaoaki te Toa are te Riao i Ierutarem i bukin karinean te UEA. Ma ngaia are, ni katebwi ma auan bongin te moan nam'akaina, ao a tiringaki taian tiibu teteei i bukin bukamaruan te Toa are te Riao.

2.Rongorongo 35:12

A kaokoroi m'akoron te man tabeua kanoan Rewi ake a kainanoi taan taromauri i bukin te karea are kakukureian te UEA, n aron are e tangiraki n ana tua Moote. A karaoa naba ae aron arei nakoia taiani kao.

2.Rongorongo 35:6

Ngkana a uoti aia tiibuteteei are b'ain te Toa are te Riao nakoim, ao ko na tiringi mani katauraoia b'a e na kareanaki nakon te UEA. Kam na kakoaua raoi b'a a na karaoa te bootaki aomata ni kaineti ma taian kaetieti ake e anga te UEA nakon Moote, ao kam na aki karaoi b'aai aika kam na kam'ara iai ma n aki kariaiakaki.

Etira 6:20

Ao taiani ibonga ma kanoan Rewi a tia ni karaoi kaitiakaia n aron taekan te tua b'a a aonga n tau i bukin kairan te taromauri. Ao tabeman mai buakoia a tiring tiibuteteein te Riao i bukiia ake a tib'a oki, n reitaki ma ibonga ake tekorakina ao bon i bukiia naba.

Warekaia Iteraera 18:3

Kam na riai ni kakoauaia b'a a bon karaoi raoi tabeia. Ma ngkana a kaanii b'aai ake a tabu n te Tabo are e Tabu ke te baonikarea, ao kam na bane ni mate.

Warekaia Iteraera 18:7

Ma bon ti ngkoe ma natim mm'aane ae kam kona ni karaoa te m'akuri n ibonga n te baonikarea i nanon te Tabo are Moan te Tabu. Bon au b'aintangira nako imi te m'akuri n ibonga. Ao ake a kataia ni karaoa te m'akuri n ibonga, a na bon tiringaki.