2.Rongorongo 34:25 - Te B'aib'ara

²⁵ A tia kaain Iuta ao Iteraera n aki kubarai. A tia n anga karea nakoia antiia ianena ao a tia naba n taromauriia aia bouannanti ake bon aia b'ai. I a bon aki konaa aroia aei. I a rangi n un irouia.

2.Rongorongo 34:25 ပူးပေါင်းရင်းမြစ်များ

2.Uea 22:17

A tia kaain Iuta ni katinanikuai. A tia n angakarea nakon antiia Ianena ao a tia naba n taromauriia oin aia bouananti. I a bon aki konaa n taotaona nanou mai iai. E a rangi ni maraki nanou.’ ”

2.Rongorongo 12:2

Ma ngaia are, n ana kanimaua n ririki n tautaeka Reoboam, ao e a katuaiia te UEA i bukin aia aki kakaonimaki ao e kariaia uean Aikubita are Titiaka b'a e na buakana Iuta.

2.Rongorongo 12:7

Ao ngke e ongo aei te UEA, ao e taku nakon Temaia: A raraoma ni koaua kaain Iuta n aia bure, ma ngaia are, n na aki kariaia Titiaka b'a e na tiringiia ni kabane. Ma i bukina ngkai e bon maraki naba nanou,

2.Rongorongo 15:2

Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.

2.Rongorongo 24:18

Ni bon te tai arei, ao a katoka taromauriia n ana Tembora te UEA ae te Atua kaain Iuta, ao a moana taromauriaia taian bouannanti ao bannan te anti are Nei Atera. Aikai m'akuri aika a buakaka aika e rangi n un iai te UEA ae te Atua irouia kaain Iuta ao Ierutarem,

2.Rongorongo 34:26

“Iotia, ongora nakon te b'ai ae n nang karaoia. I noora nanokaawakim ngke ko ongo ae e nang kamaunaaki te aba aei ma kaaina ni kabane.

Etira 5:12

Ti kaongoaki b'a a tia aia botannaomata ni kauna Atuaia, ai ngaia are E a kariaia b'a a na kataenikaiaki iroun Nebukaneta, are uean B'aburon are e uotiia nako b'a taenikai i B'aburon. Ao Nebukaneta e kamaenikuna aia Tembora ni kab'aka,

Itaia 42:25

E a rangi ni un irouia ao e katuuaia ana botannaomata n taiani buaka aika a kabuebue. Ma a bon aki tabe iai. A bon aki naba tabe ngkana a katobibiaki ma n rootaki ni kabuebuen te ai.

Ieremia 22:9

Ao ane a na kaeka tabem'aang ni kaangai, “I bukina ngke a taromauriia antiia ianena aomata ma n urua aia boraraoi ma te UEA ae Atuaia are e a tia ni karaoia ngkoa ma ngaiia.”

Ieremia 4:4

Kam na kaawakina te boraraoi are I karaoia ma ngkami ma nanomi ni kabane. Ma ngkana kam taningabono ma n aki toki ni buubure, ao e na ura uniu kaanga te ai ae e aki konaa ni manga tiringaki.

Ieremia 7:20

Ao ngkai N nang kaiekaa Iuta Ngai ae te UEA ae Moan te M'aaka n uran uniu ni karokoa akea nikiran b'aai nako—ana akea aomata ke maan, ke taiani kainam'arake ke taian uita.

B'aeb'aeti 2:3

E kamaunanakoa korakoran Iteraera i bukin unna; E rawa ni buokiira ngke a roko ara kairiribai. E urarakeira kaanga te ai, ni kamaunai b'aai ni kabane.

B'aeb'aeti 2:4

E kainetiira n Ana kanoanikatebe n ai aron te kairiribai; E tiringiia aika a bati n tangiraki iroura. Ti bati n namakina uran unna i aon Ierutarem.

B'aeb'aeti 4:11

E a bon koro unin te UEA; n te aro are E a bon kabueka Tion n akea nikirana.

Etekiera 20:48

A na bane n ataia aomata nako b'a bon Ngai ae I kaura, ao e bon aki konaa ni katokaki.”

Etekiera 36:18

A tiritiri ao a taromauri bouannanti, ake a kabuakaka aon te aba. Ma ngaia are, I katuaaia Au aomata ni marakin nanou

Amota 5:6

Okira te UEA ana bakatibu Ioteb'a, ao kam na maiu. Ngkana kam aki, ao te UEA e na roko ni buaka n ai aron te ai. Betaera e na bue nako aontano, ao bon akea ae kona ni kamaiua.

Naum 1:6

Antai ae e kona ni maiu ngkana E un? Antai ae e kona ni maiu i m'ain uran unna? E otinako unna n ai aron te ai. A maerikiriki b'aa, ma n riki ni bubu i matana.