2.Rongorongo 34:24 - Te B'aib'ara

²⁴ “Iotia, bon te UEA Ngai! I kaantaningaia b'a n na katuaaea te aba aei ao kaaina ni kabane akana iai, n aron ae e taekinaki n te boki aei.

2.Rongorongo 34:24 ပူးပေါင်းရင်းမြစ်များ

2.Uea 21:12

Ma ngaia ae ngkai, N nang kamaunaa Ierutarem ma Iuta Ngaia ae te UEA ae Atuan Iteraera. A na ongo rongorongona aomata ao a na aki kakoaua.

2.Rongorongo 34:23

e taku: Kam kanakoaki iroun te uea are Iotia, ao aio ana taeka te UEA ae Atuan Iteraera nako ina:

Etira 9:7

Ti a bane n tia ni bure ni moa man aia tai ara bakatibu, ao ti bane n tia ni bure. Ao bon anne bukina ngkai ti aki toki ni kookonaaki ngaira, ara uea ao ara ibonga irouia uea ake tekorakina. A tia n tiringiia tabeman mai buakora ao a tia n toroniia tekorakina; a tia n anai ara b'ai ao ma ni kamamaaira, n ai aron ae e riki nakoira n te bong aei.

Ieremia 19:15

“Kakauongo aomata ni kabane! N taai tabeua aika a tia n nako, E kauringngkami te UEA ae Moan te M'aaka, ae Atuan Iteraera b'a E na karokoa te kabuanib'ai i aon Ierutarem ao kaawa ni kabane aika a uarereke akana a kaan i rarikina. Ma kam taningabono ao kam rawa n ongo. Ao ngkai E nang karokoa te kabuanib'ai te UEA are E a tia ni berita iai.”

Ieremia 19:3

Bon te UEA Ngai ae Moan te M'aaka, ae Atuan Iteraera, ao kam riai ni kakauongo raoi ngkami aika uean Iuta ma kaain Ierutarem. N na karokoa te kangaanga ae moan te korakora i aon te m'arua aei n te aro are a na tiaoki akana a ongo taekana.

Ieremia 35:17

Ngai ae Atuami. Bon te UEA Ngai ae Moan te M'aaka, ao I kauringkami ni b'aai aika a kakamaaku aika a na riki nako imi ngkana kam aki ongo i Rou. Kam a tia katinanikuai, ma ngaia are, e a oroiko te kabuanib'ai. Bon aei Au taeka Ngai ae te UEA.

Ieremia 36:13

Ao Mikaia e tuangiia te b'ai are e warekia B'aruka nako ia aomata.

Ieremia 36:31

Ko buakaka ngkoe ma natim, ao am taani m'akuri, ao N na katuaaingkami ni kabane. I kauringkami ma kaain Iuta ao kaain Ierutarem ngkoa b'a N nang karokoa te kabuanib'ai, ma bon akea mairoumi ae e kan ongo. Ma ngaia ae ngkai kam a reke n te kaangaanga!

Ieremia 6:19

A kakeaa bonganau Au aomata ao a katinanikui au tua nako. A baaireia b'a a na karaoi m'akuri aika a buakaka, ao ngkai, te buakaka are a baaireia e na manga bon riki nako ia.”

Etekiera 33:10

E taku te UEA: Etekiera ae natin te aomata, a ngurengure Iteraera b'a a taku b'a e a rangi ni korakora riki katuaeakiia nakon ae a konaa ni kaaitaraa. A akea kaantaningaan te maiu irouia, ao a bukinai iai.

Etekiera 4:17

A na bane n tiaoki aomata nako n te b'ai ae e riki, ao i bukin aia bure, ao a na aiinako ni karokoa mateia.”

Nakoaia Ibonga 26:14

E taku te UEA, N na katuaaingkami ngkana kam aki ongotaeka nakon au tua.

Nakoaia Ibonga 26:39

ao tabeman a na b'ara nanoia n te nanokawaki b'a boon ami bure ma aia bure ami bakatibu.

Iotua 23:16

E na bon orei ngkami te UEA ao kam na waekoa ni mauna nako n akea nikirami n tiku n te aba ae raoiroi aei, ae E a tia n anganingkami, ngkana kam aki kaawakina ami raoiroi ma te UEA ae Atuami, ao ngkana kam taromauriia naba anti tabem'aang.”