2.Rongorongo 34:14 - Te B'aib'ara

¹⁴ Ngke a anganaki te m'ane koraki ake taan tararua te m'akuri, ao e kunea te boki Irekia te boki ae kanoana taian tua ake e anga te UEA nakon Moote.

2.Rongorongo 34:14 ပူးပေါင်းရင်းမြစ်များ

2.Uea 18:18

A wewetea Etekia, ao a otinako ana mataniwi aika a rietaata ni kawariia. Temanna mai buakoia bon Irekia are natin Eriakim te m'aane, are bon te buraiminitita. Ao ake uoman bon Tebena, bon ana kauoman te buraiminitita, ao ai Ioa are natin Ataba te m'aane, are bon te tia taui mwiin rongorongon te tautaeka.

2.Rongorongo 12:1

N te tai ae e aki maan ngke e a tia Reoboam n taua taekan abanueana, ao e a manga aki ongotaeka iroun te UEA ngaia ma kaain Iuta ni kabane.

2.Rongorongo 31:4

E tuangiia kaain Ierutarem b'a a na uoti aia angab'ai ake a na anganaki taian ibonga ao kanoan Rewi, b'a a aonga n reke aia tai ni m'akuri i bukin te UEA n aia m'akuri.

2.Rongorongo 34:15

E anga te boki Irekia nakon Tiaban are te mataniwi ao e taku, “Noora te b'ai ae I kunea i nanon te Tembora—Bokin ana Tua te Atua.”

2.Rongorongo 34:9

A m'ananga m'aane aika teniman aikai nakon Irekia are te ibonga ae rietaata. A anganna te m'ane are a tia n rikoia kanoan Rewi mairouia kaain Manate Maeao, Eberaim, ao nikiraia Iteraera, ai uana naba ma koraki ake a maeka i Iuta, Beniamin, ao i Ierutarem.

2.Rongorongo 35:26

A koreaki mwiin b'aai ni kabane ake e karaoi Iotia ngke e uea, n reitaki ma ana kakaonimaki n ongotaeka iroun te UEA,

Etira 7:10

E a tia Etira ni kabanea maiuna ni kamateb'aia, ao n ongotaeka n ana Tua te UEA ma n reireiniia tabem'aang iai.

Taian Areru 1:2

Ma kukurein nanona bon ana Tua te Atua; e waawarekia ma n iaiangoia ni ngaina ao ni bong.

Itaia 30:9

A tia ni kaaitaraa te UEA ao a aki konaa n onimakinaki. A tia n rawa nakon ana taeka n reirei

Itaia 5:24

Kam na urarake kaanga te b'ab'ati ni uteute! Kam a tia ni katinanikua ana reirei te UEA ae e tabu ae Atuan Iteraera ae Moan te M'aaka. Ngaia ae ngkai, a na mka wakaami, ao a na riki ni bubu nako ueemi.

Ieremia 8:8

Kam taku, “Ti bon wanawana b'a iai taeka n reirei ao ana tua te UEA.” Ma I taku b'a a tia n rairi Au taeka ami tia reirei nakon taiani kewe!

Nakoaia Ibonga 10:11

Kam na riai n reireiniia Iteraera tuua ni kabane aika I a tia n anganingkami ri nanon Moote.”

Nakoaia Ibonga 26:46

E mena Moote i aon te maunga are Tinai ngke e anganaki tuua ma reirei aikai iroun te UEA i bukiia Iteraera.

Nakoaia Ibonga 8:36

Ma ngaia are, a karaoi b'aai ni kabane Aaron ma natina m'aane n ai aron Ana mwioko te UEA are e tuangiia Moote.

Ruka 2:39

Ngke a tia ni karaoi b'aai ni kabane ake a kaeti ma taekan ana tua te Uea, ao a oki nako Kariraia, nakon aia kawa are Natareta.

Iotua 1:8

Ko na kakoaua raoi b'a e na riai ni wawarekaki bokin te tua n taai nako n tain te taromauri. Kamateb'aia te tua ni bong ao ni ngaina, ao kakaonimaki ni karaoi b'aai ni kabane akana a koreaki iai. Ao ko na bon kakab'aia ma n tekeraoi.